G-RTV NEWS : Guvernu liu husi MNEK simu direta apoiu ekipamentu prevensaun COVID-19 husi Guvernu Nova Zelandia Iha Aeroportu Internasionál Nicolau Lobatu.
‘’ Doasaun ne’ebé mai, ho tempu ne’ebé difísil tebes, nune’e ita tenke agradese ba Guvernu Nova Zelandia la’ós de’it foin agora maibé desde tempu luta ba Ukun-rasik An sira sempre ajuda iha kualkér tempu ’’ haktuir Diskursu offisiál MNEK, Adaljiza Magno iha Sala VIP Eroportu Internasionál Comoro ( 23/03/2021).
Konabá Apoiu Sira ne’ebé ajuda, Guvernante ne’e klarifika katak ‘’ Apoiu hirak ne’e maioria uja ba situasaun COVID-19 hanesan Máskara, ekipamantu ba teste COVID-19, ropa ba protesaun COVID-19 nia’n no seluk tan ‘’.
Iha Fatin hanesan, Embaixadór Nova Zelandia, Philip Hewitt iha Timor Leste hato’o katak Guvernu Nova Zelandia prontu nafatin ajuda Povu Timor Leste iha situasaun ne’eé de’it liu-liu iha situasaun Surtu COVID-19 nia’n.
Tuir Diretór Ezekutivu SAMES, kompeténsia SAMES nian mak halo prossesu aprovizionamentu, Armazenamentu no Distribuisaun :
‘’ SAMES nia kompeténsia mak halo aprovizonamentu, Armazenamentu, no distribuisaun, nune’e doasaun ne’e bé mai husi parseiru sira hahu kedas transportasaun husi aeroportu ba kedas ona armajém no sei distribui bazeia ba nessesidade husi Ministériu Saúde ni’an’’ Diretór Santana Martins haktuir.
Entertantu, Aviaun Herkules ho marka Royal New Zeland Air Force ho Numero NZ 7002 transporta Ekipamentu sira ne’e, to’o iha Eeroportu Dili iha Óras 09:53Am no hetan kedas intervensaun distribuisaun husi ekipa SAMES.
Marka prezensa iha serimónia ‘’Hand Over’’ iha Aeroportu Internasionál Nicolau Lobato mak hanesan Ministra MNEK, Embaixadór Nova Zelandia mai Timor Leste, Reprezentante Ministériu Saúde, Diretór SAMES.
Jornalista : Julio Paixão.
Editór : Arménio.
loading="lazy" />