Jornalísta : Arménio //
G-RTV.com (Lautém) : Prezidente Partidu Demokrátiku (PD), Mariano Assanami Sabino Lopes, partispa iha kampaña nasionál kandidatu Prezidente Repúblika, José Ramos-Horta iha munisípiu Lautém.
Iha intervensaun polítika, Assanami husu Lautém-oan sira ne’ebé mai husi PD no partidu seluk atu fó apoiu ba Horta hodi sai Prezidente Repúblika 2022-2027 iha palásiu Prezidente Nicolau Lobato, Ai-Tarak Laran.
‘’Estrutura tomak PD, movimentu no partidu polítiku sira hotu iha Lautém, ha’u nia inan-aman sira husi FRETILIN, PLP, hamutuk hanesan Lautém oan fó votu bá Maun Horta bá Ita hotu nia prezidente Republika, laós ba ema ida nian,’’ Afirma Assanami iha intervensaun polítika ne’ebé hala’o iha kampu futeból 745, Lospalos Villa, Dominggo ne’e, 10/04/2022.
Nia mós husu atu Lautém-oan sira hamri’ik salva salva konstituisaun nu’udár klamar husi erói sira hotu nian,no salva estadu ida ne’e atu rai ne’e sai metin liu tan.
‘’Lautém presija hamriik hodi salva nasaun, salva konstituisaun nu’udár klamar husi erói sira hotu nian,no salva estadu ida ne’e atu rai ne’e sai metin liu tan,’’ Dehan Assanami.
Nia mós hatutan, esperénsia ho Horta iha IV Guvernu Konstitusionál bainhira kandidatu ho númeru sorteiu 1 sai Prezidente Repúblika 2007-2012, lori guvernu hamutuk ho primeiru Ministru Kay Rala Xanana Gusmão to’o mandatu tinan 5 remata ne’ebé rezulta infrastutra báziku iha territóriu nasionál konsege rezolve maske la máximu, hanesan Estrada no eletrisidade.
Eis-kandidatu Prezidente iha primeira volta ne’e, deklara, hakruk mós ba traballadór iha estranzeiru no konsidera sira hanesan erói ba nasaun no sira nia família.
Tuir observasaun, militante partidu PD iha munisípiu Lautém, partisipa másimu iha eventu polítiku ne’e.
(REMATA).
loading="lazy" />