Atu Hadia Timor Leste ,  Grupu Amigu JB F’Litik Deside Apoiu Xanana-Horta Iha Festa Demokrasia

Jornalista : Arménio //

G-RTV.com (Dili) : Grupu Amigu Jóvem Badinas  Funu Litik ( Amigu JB F’Litik) nu’udár grupu juventude ne’ebé  deklara nia apoiu ba Líder nasionál Kay Rala Xanana Gusmão nu’udár moos Prezidente Partidu CNRT no Kandidatu Prezidente Repúblika períodu 2022-2027 Husi CNRT, José Ramos-Horta.

Deklarasaun apoiu ne’e, amigu JB fo razaun,tambá moris iha inserteja hahu husi tinan 2018 iha âmbitu polítiku, sosiál no kultura.

‘’ Konsidera katak hahu 2018-2022 ita moris iha inserteja nia laran, âmbitu polítiku, sosiál no ekonomia, kultura, remata ho violasaun prinsípiu estadu direitu demokrátiku no la respeita valór demokrasia nian, nune’e ami iha komitmentu atu apoiu bá líder na’in rua (Xanan-Horta) ne’ebé iha kapasidade hadia rai ida ne’e’’. Deklara Responsável máximu grupu Amigu JB, Carolino de Oliveira iha konferénsia Imprensa ne’ebé hala’o iha sede nasionál ekipa sussesu Kandidatu Ramos-Horta, Sábadu, 12 Fevereiru 2021.

‘’Ami nia apoiu ba Kandidatu Prezidente José Ramos-Horta iha eleisaun prezidensiál ne’e, nune’e bainhira eleitu, ami propoin bá maun Horta foti desijaun ruma tenke respeitu ba Konstituisaun Repúblika hodi taun hikas órdem konstituisaun iha nia fatin, hadia hikas Timor leste nia naran iha Mundu hodi hetan konfiansa atu kria kampu servisu’’. Dehan Responsável máximu ne’e.

Nia hatutan tan, sei firme nafatin apoiu Xanana ho nia partidu CNRT atu hetan vitória iha eleisaun parlamentár 2023 hodi lori Xanana sai Primeiru Ministru.

‘’Ami firme nafatin hodi apoiu Xanana no CNRT nune’e, bele lori Maunxanana ba Primeiru Ministru no bainhira hetan fiar atu guverna, ami propoin atu kria kampu servisu ba jóvem sira, tau orsamentu ne’ebé dignu ba edukasaun, hadia fasilidade saúde, dada be moos no dada kadoras mai Timor Leste’’. Afirma Carolino.

Grupu ne’e ezisté ona iha territóriu nasionál ho nia mebru liu ema atus rua resin no sei fo garantia ba vitória Kandidatu Prezidente husi CNRT no vitória ba CNRT iha festa demokrasia liu husi eleisaun Prezidensiál 2022 no Parlment’ar 2023.

Entretantu, José Ramos-Horta hetan fiar husi CNRT liu husi Kongressu Extraordináriu iha semana balun liu ba atu kandidata-án ba Prezidente repúblika 2022-2027. (Remata)