G-NEWS (DILI) – Relasiona ho lamentasaun públiku kona-ba benefisiariu Uma Kbi’it Laek (UKL) ne’ebé autoridade impede konstrusaun tanba dada sae bandeira Partidu nian, iha area Serelau Munisípiu Laútem.
Provedór Direitus Humanus no Justisa (PDHJ) Virgilio da Silva Guterres, kinta-Feira(09022022) informa, kualker solusaun, labele implika direitu ba sidadaun atu hetan uma.
Tuir Nia, dada bandeira partidu ne’e direitu sidadaun ida nian atu espresa ninia partisipasaun iha Organizasaun partidaria, satan Partidu ne’ebé hetan legalizasaun.
“Importante mak sidadaun refere labele trava projetu ne’e. Ida ne’e presiza hetan esplikasaun hosi kompanha ne’ebé kaer obra ne’e”, hateten Eis Prezidente Konsellu Imprensa, iha Press Meeting, ne’ebé organiza hosi SECOMS. “PDHJ iha ona komunikasaun ho autoridade munisipal Laútem, no Administrador dehan katak la iha ema ida atu impede projetu refere”.
Ho situasaun hirak ne’ebé akontese, Provedor ne’e husu ba entidades sira, líder sira iha baze atu labele partidariza projetu sira ne’ebé Governu halo, tanba tuir Lamukan katak, dada bandeira partidu nian la viola lei.
Foin lalais ne’e, impedimentu projetu konstrusaun Uma Kbi’it Laek (UKL) tanba dada sae partidu sai polémika, iha ne’ebé sidadaun no públiku halo kritíka ba aktus ne’e.
Jornalista: Ekipa G-News
Editór Textu: Amito Qonusere Araújo
loading="lazy" />