G-RTV News (17/05/2021): Kongregasaun Canossiano Hera Hamutuk ho UNTL konstrui domitoriu ba família refuziadu ne’ebé refuzia iha konventu Canossiano Hera tamba Inundasaun ne’ebé akontese iha loron 4 Fulan Abríl Tinan ne’e.
Reitór UNTL, Prof.Dr. João Soares Martins, agradese ba Canossiano Hera, hamutuk ho Fakuldade Enjeñaria UNTL, liu-liu estudante no dosente ne’ebé esforsu hodi asselera obra refere.
‘’Agradese barak ba laran–luak no esforsu husi komunidade Canossiano sira, ne’ebé tulun ita nia komunidade sira iha susar laran, no orgulho ho servisu ne’ebé estudante no Dosente sira ba obra ida ne’e’’. Katak sai Reitór iha resintu Canossiano, Hera, Postu Administrativu Kristu Rei, Munisípiu Dili, Segunda-Feira ne’e.
Iha fatin hanesan, Diretór Canossiano iha Uma-formasaun Hera, Pe. Nívio Lebre, konsidera estudante Fakuldade enjenãria Hera, sai benfeitór prinsipál ba konstrusaun obra uma ba refuziadu.
‘’Hakarak agradese ho fuan ne’ebé gratidaun ba estudante nu’udár benfeitór prinsipál husi UNTL, Fakuldade Enjeñaria ba dedikasaun tomak, ba tempu, enerjia, talentu no kreatividade atu finaliza obra ida ne’e iha fulan ida.’’ Haktuir Padre.
Uma ne’ebé entrega, konstrui ho orsamentu $12.675 mill ho akumulasaun dormitóriu liu ema na’in 20, orsamentu no materiál mai husi parte barak inklui Canossiano Itália,
Uma ne’ebé harii sei fo prioriedade ba ina-isin rua, labarik bebe, no menoridade atu bele provizóriamente bele hela.
Jornalista : Oza Carvalho.
Editór : Julio Paixão.
loading="lazy" />