G-NEWS (DILI) – Komandu Jerál PNTL autoriza membru Polísia no funsionáriu PNTL simu subsidiu fim-do-ano ba uma kain sira ho válor dollares atus rua ($ 200.00).
Liuhosi karta sirkular ho númeru 412/CG-PNTL/XI/2022, ne’ebé fo sai iha loron 16 fulan Dezembru tinan 2022, kona-ba subsidiu fim do ano hosi Governu RDTL, ne’ebé G-News asesu katak, membru Polísia no funsionáriu PNTL ne’ebé rendimentu mensal ho nia válor as liu $500.00 evita atu simu subsidiu.
Iha sirkular ne’e mós sita tan katak, membru Polísia no funsionáriu PNTL ne’ebé ho rendimentu menus hosi $500.00 mak iha direitu simu subsidiu refere.
Karta sirkular ne’ebé asina hosi Komandante-Jerá PNTL Komisáriu Faustino da Costa, husu ba Komando Diresaun supervizaun sira, Komandante Unidade, Munisípiu, RAEOA, atu komunika ba membru no funsionáriu PNTL sira hodi hatene no halo tuir sirkular ne’e.
Antes ne’e, iha ona deklarasaun hosi Komandu-Jerál Polísia katak, la autoriza membru polísia tomak la simu subsidiu uma kain $200.00.
Editór Textu: Amito Qonusere Araújo
loading="lazy" />