G-RTV News(18/5/2021): Hafoin notísia husi Média Nasonál balun fó sai iha loron 16 Fulan ida ne’’e, konabá família ida penõr nia oan tamba la iha osan atu selu uma-aluga(Kost) iha Aldeia 20 de Setembro, Suku Bebonuk, Munsípiu Dili.
Hamosu kedas reasaun husi família uma na’in, tuir membru família ida ne’ebé la fó sai naran, deklara katak konabá peñor ne’e ami la hatene, bainhira fo sai iha notísia ha’u nia Ama haree ho matan-wen.
‘’Konabá kazu ida ne’e ami la hatene, derrepente ami haree notísia katak atu penõr nia-oan mai ami, ne’e laloos, ha’u nia ama hanesan nain ba uma-aluga hare tanis’’. Espressa membru família ne’e iha uma-aluga, Aldeia 20 de Setembru, (18/05).
Fontes ne’e klarifika moos, nunka obriga atu selu kost, maibé ami ajuda señora ho nia família ne’e mak iha.
‘’Durante ne’e, ferik la obriga nia, nia mak hakarak peñor nia-oan, nia maluk sira pineira rai-henek moos hatene ida ne’e, hateten iha liur dehan atu peñor nia-oan, hafodak karreta ida tama, ema ida mai, atu apoiu solidariedade’’. Fontes klarifika.
Iha Loron ne’ebé hanesan, Xefe-Aldeia 20 de Setembru, Isaác Alexo Pintu fo sai moos, tuir informasaun ne’ebé iha, uma na’in oferese produtu cesta básica ba família refere.
‘’Ha’u la rona informasaun antes ne’e, hafoin ami nia ekipa tun bá fatin kost ne’e, uma-na’in deklara katak bainhira notísia ne’e fó sai, Uma-na’in tanis, tamba durante ne’e nia husu fós, liu-liu produtu cesta básica, uma-nain oferese ba sira’’. Hateten Xefe aldeia, Iha sede suku Bebonuk.” fo sai xefe Aldeia.
Kost na’in moos deklara ba xefe aldeia, lakohi simu labarik tamba bei-oan moos barak, no sira fan fali apoiu sosiál ne’ebé apoiu husi entidades balun.
‘’Tuir kost na’in, dehan, nia bei-oan moos barak, faluk tan, nusá mak ha’u atu simu fali labarik ne’e, no sasan sira ne’ebé ema ajuda ba família ne’e, tuir kost na’in haree katak sira fan fali, hanesan xefe aldeia, ha’u hateten nusá mak imi la fo hatene ami atu halo atuasaun’’. informa Nia.
Xefe-aldeia ne’e promete, hafoin programa vasina ne’e remata, loron rua ba oin, sei bolu parte rua atu deklara loloos ba públiku.
Antes ne’e, família ne’ebé peñor oan liu husi deklarante Célia Imaculada Pinto ba G-RTV.Com informa katak Uma na’in obriga sira atu selu kost, maibé tamba osan la iha, moris sira nian mak depende ba peneira rai-henek.
Célia moos, klarifika tan, uma-nain ezize sira nia sasan ruma atu peñor, maibé sira hatan katak ami la iha sasan ruma ne’ebé ho folin bo’ot, iha de’it mak ami nia oan na’in rua, ne’ebé husik ida hela ho uma na’in, bainhira osan iha, ami remata selu kost hotu mak foti ami nia oan, maibé ho laran triste uma-na’in hatan labele halo hanesan ne’e, lulik ba ita.
Iha mídia sosiál dehan fan-oan, maibé inan ne’ebé kous labarik rua, ho espresaun domin, fó klareza katak hanesan inan, tan de’it selu kost labele ha’u tenke fan labarik ne’e ha’u la waras.
Iha loron 17/05, óras loraik, PNTL liu husi esquadra Komoro, lori família Célia ba halo investigasaun durante óras rua nia laran.
Célia ho nia kaben moris hamutuk iha 2017, kous ona oan rua, ho moris ne’ebé la favorese, obriga Célia ho nia Laen tenke muda ba mai hodi buka moris.
Jornalista : Júlio Paixão.
Editór : Arménio.
loading="lazy" />