G-RTV.com (DILI) : Hakat bá eleisaun prezidensiál tinan 2022, mosu ona figura potensiál ne’ebé sei kompete iha festa demokrasia ida ne’e.
Entre fígura potensiál, mosu moos naran Costáncio Pinto ho kódigu ‘’Terus” ne’ebé sei kandidata-an hodi kompete atu sai ema númeru ida iha Timor Leste.
Tuir fontes kredível ne’ebé la kohi foo sai naran haktuir, nia sei kandidata-an bá prezidente liu husi eleisaun prezidensiál iha tinan oin.
‘’Futuru kandidatu rasik mak fo hatene ha’u atu apoiu nia hodi lori nia bá kompete iha eleisaun prezidénsial tinan 2022’’. Haktuir fontes ne’e.
Nia esplika liu tan, Constâncio sei avansa ho kandidatu independente, la ho partidu ruma iha eleisaun ne’ebé sei mai.
‘’Kandidatu rasik deklara mai ha’u katak sei avansa ho kandidatu independente la ho apoiu husi partidu ruma’’. Informa Nia.
To’o notísia ne’e publika, seidauk iha konfirmasaun husi parte futuru kandidatu nian hodi klarifika assuntu ne’e.
Entertantu, possibilidade Partidu Demokrátiku (PD) nu’udar partidu ‘’gigante’’ ida, sei apoiu tambá iha diskusaun interna PD ne’ebé G-RTV.com assesu iha fulan balun liu bá, PD sei halo konferénsia ida hodi deside kandidatu ida entre ema na’in 4, inklui Costâncio Pinto tambá nia moos nu’udár fundadór ida atu avansa husi PD hodi kompete iha eleisaun Prezidénsiál tinan 2022.
Jornalista : Arménio.
Editór : Ekipa G-RTV.
loading="lazy" />