G-NEWS (KAMBÓDIA) – Atleta Boxe hosi Timor Leste Delio Anzaqeci Mouzinho manan nia adversário Muhammad Khidhir Bin Saniff hosi Singapura. Sira na’in rua nia kategória ba todan ho kilograma 71. Delio manan iha primeiru ronde ho Technical KnockOut (TKO).
Hafoin jogu terkina, treinador Abilio ba G-News hateten, durante jogu lao, nia estudante ne’e la iha problema no difikuldade sia.
Treinador ne’e mós fó konfiansa másimu ba Delio bainhira jogu tuir mai, sei konkista dala ida tán.
“Ha’u iha konfiansa ba nia katak nia sei manan. Ho manan ida ne’e nia hakat ona ba semi-final iha loron Sexta-Feira, loron 12 fulan ne’e, hodi kontra Vietname”, Abilio esplika.
Dadauk ne’e, treinador kontinua treinu nafatin, hodi prepara ba jogu tuir mai iha semi-final.
Jornalista : Ekipa G-News
Editór Testu : Amito Qonusere Araújo
loading="lazy" />