G-NEWS (DILI) – Sexta-Feira semana ne’e, Conferência Episcópal Timorense CET) kompostu hosi Bispu Diocese Maliana Don Norberto Amaral, Arquediocese Metropolitana Dili Don Virgílio Cardeal do Carmo da Silva, ho Bispu foun Diocese Baucau Padre Leandro Maria Alves, no Administrsdor Apostólika Diocese Baucau Padre Alipio, desloka ona ba Santa Sé Vatikanu, Roma.
Viajen ne’e, Cardeal no Bispu sira, sei hasoru malu ho Santu Padre Francisco. Vizita ne’e hala’o kada tinan 5 dala ida atu komprimenta Santu Padre, no mós ko’alia kona-ba Kreda Timor ninia moris no misaun sira.
“Bispu sira Timor-Leste nian, ohin 28 de Abril 2023 hahú Vizita Ad Limina ba Roma, visita ne’ebé halo tinan 5 dala ida, hodi hasoru Amu Papa atu komprimenta nodi ko’alia mós kona-ba Kreda Timor ninia moris no misaun sira”, komunimadu ne’ebé fó sai iha kánal mídia Arquediocese Metropolitana Dili nian.
Alende ne’e, Cardeal sei hasoru mós Prefeto dicastério sira no reza missa iha São Pedro ho São Paulo sira ninia rate mós.
“Ita harohan ba sira ninia viagem no vizita ne’e rasik”, komunikadu ne’ebé fó sai iha kánal mídia Arquediocese Metropolitana Dili nian.
Cardeal no Bispu sira, Sekretariu Cardel Padre Carlos Roben, Padre Bento Barros pereira, no Padre Levinson Verdial.
Tuir informasaun ne’ebé G-News asesu, Don Virgílio Cardeal do Carmo da Silva, SDB, sei prizide misa agradesimentu iha Parókia São Alexandre Magno, iha Vatikanu Roma.
Jornalista : Ekipa G-News
Editór Testu : Amito Qonusere Araújo
loading="lazy" />