EITL No SEJD Sei Reativa Kooperasaun, ”Possibilidade” PSHT Sei Gradua De’it Iha Timor

Jornalísta : Amar Belo //

G-RTV.com (Dili) : Embaixada Indonézia mai Timor Leste (EITL) No Sekretáriu Estadu Juventude No Desportu (SEJD) Tersa-Feira Ne’e Hasoru Malu hodi diskute Reativasaun Ba Programa Desportu sira Ne’ebé Akordu Ona Iha Tinan 2016.
Tuir embaixadór Indonézia mai Timor Leste, Okto Dorinus Manik hateten, hasoru malu ho SEJD ne’e atu reativa kooperasaun desportu ne’ebé Indonézia no SEJD akordu ona iha tinan 2016.

‘’Ami nia hasoru malu ne’e, atu hare ba servisu hamutuk ne’ebé mak ami bele oferese iha area juventude no desportu iha Timor Leste, liu-liu oinsa atu hare fila-fali akordu ne’ebé hala’o ona iha tinan 2016, ami sei hare fali mos ida ne’ebé ami bele ajuda iha futuru’’, informa embaixador Indonezia mai Timor Leste, Okto Dorinus Manik ba jornalista sira liu husi konferénsia imprensa iha SEJD, Bidau, Licidere (Dili), Tersa-feira ne’e, 05/07/2022.

Iha tempu hanesan, SEJD, Abrão Saldanha hateten, diskusaun ne’e atu hare fali servisu hamutuk ho indonézia no Timor Leste atu dezenvolve area juventude no desportu ninia ne’ebé antes ne’e halo ona akordu.

“Diskusaun ne’ebé ami halo ho embaixador indonezia nia atu hare fali ho kooperasaun Indonézia ho Timor leste atu dezenvolve area juventude no desportu liu-liu atu reativa akordu sira ne’ebé mak uluk halo ona no difini planu konkretu ba akordu sira ne’e atu implementa presaun sira ne’ebé ita halo iha area desportu no juventude,” Dehan SEJD, Abrão Saldanha ba jornalista sira iha sala konferénsia.

Nia afirma diskusaun iha parte ida mak kestaun ba arte marsias sira ne’ebé reativa ona tamba ne’e SEJD husu ajuda indonezia atu enkuadra sistema desportu nia tamba indonézia mak di’ák iha modalidade arte marsiais no lidera hela federasaun internasional arte marsiais.

Abrão hatutan, kazu espesífiku ne’ebé iha diskusaun mos, mak kazu Graduasaun PSHT ka Persaudaraan Setia Hati Terate (PSHT) nian tamba ne’e kooperasaun rai rua ne’e buka dalan oinsa atu gradua de’it iha Timor Leste.
Entertantu parte SEJD hein simu detalhu husi parte organizasaun rasik wainhira fo hatene ona mak númeru bo’ot kuaze ema rihun sia mak sei halo konsentrasaun fatin ha’athanesan iha munisípiu Dili, munisipiu Baukau, munisípiu Maliana no Manufahi.

(REMATA).