G-NEWS (DILI) – Komandu-Jerál PNTL husu sidsdaun tomak atu hakmatek iha ida-idak nia fatin, durante periódu fenómenu Eklipse solar ne’ebé akontese iha loron Kinta-Feira (20042023).
Ho nota deskripsaun ne’ebé fó sai hosi PNTL kona-ba mosu fenómenu astronómia iha Timor Leste kona-ba Eklipse solar totál (Gerhana Matahari Total), tanba ne’e husu ba sidadaun hotu atu mantein hakmatek iha uma laran.
“Lalika pániku tanba fenómenu astronómia natural. Evita haree ba leten bainhira rai nakukun tanba sientista no professionál saúde sira hatete katak roman ultra violeta bele estraga retina matan no kauza matan at maske uza óklu oinsa deit”, avizu PNTL nian ne’ebé G-News asesu.
Alende ne’e, PNTL sei limita mós movimentu hosi ema no transporte hotu estrada públiku sira.
“Iha dia 20 abril 2023, Polísia sira hotu sei hamrik iha luron ka estrada hodi limita movimentu transporte sira hanesan kareta no motorizada sira. Ba operadór aero, navios no operadores relevante sira atu konsidera as vida humana pasajeiru sira nian bainhira eklipse solar totál ne’e akontese”,
“Iha óras tuku 10.00 dáder ba leten bainhira besik eklipse solar (Gerhana Matahari) Polísia sira sei hapara ema sira ne’ebé halo viazen iha estrada tanba bele hamosu insidente trânzitu ou prezudika vida umana ema nian”.
Durante Rai-nakukun, autoriza deit ambulânsia, Bombeirus, Polísia, F-FDTL mak bele halo movimentu eseptu kazu emerjénsia ruma. Kuidaduan rasik no oan sira nune’e bele proteje oan sira nia matan.
Ho situasaun ne’e, PNTL husu sidadaun sira ne’ebé presiza tulun emerjénsia ba moras ka assuntu erjénsia seluk, bele komunika ho autoridade seguransa no ambulânsia atu fó atendimentu.
“karik iha kazu emerjénsia ruma kontaktu Polísia, Ambulânsia hodi hetan ajuda. Ba ita hotu nia kolaborasaun, diak ba ita nia an rasik”, hakotu hosi Avizu PNTL nian.
Jornalista : Ekipa G-News
Editór Testu : Amito Qonusere Araújo
loading="lazy" />