Jornalísta : Amar Belo //
G-RTV.Com (Dili): Kandidata númeru sorteiu 9, Armanda Berta Dos Santos, posibilidade sei avansa bá segundu ronde (Ronde da-ruak) Iha Eleisaun Prezidensiál (ELPR) 2022 .
Tuir prezidenti ekipa sussesu, kandidatu husi oartidu KHUNTO, Marito Magno, informa kandidata Armanda sei avansa ba segundu-ronde tambá bazeia bá observasaun husi kampaña ne’ebé durante ne’e hala’o tambá hetan partisipasaun máximu husi apoiante sira.
“Ami nia esperansa katak, ami nia kandidatura sei avansa ba segundu-ronde tambá hetan partisipasaun máximu husi juventude, ferik no katuas sira , no ami fiar metin laiha kandidatura ida mak bele manan maioria ba primeira ronde, nune’e ho suporta mai husi povu tomak sei fó esperansa ba kandidatura númeiru sorteiu 9 sai prezidente repúblika eleita bá periódu 2022-2027”, hateten prezidente ekipa sussesu Armanda Berta liu husi konferénsia imprensa iha Sede Kandidatura, delta II (DILI) tersa feira,15/03/2022.
Iha konferénsia Imprensa ne’e, ekipa sussesu rekoñese mós konabá insidente ne’ebé akontese iha munisípiu Baucau no Viqueque, wainhira kandidatura númeru sorteu 9 hala’o nia kampaña eleitoral foin lalais ne’e.
“Ita labele nega ba insidente balun ne’ebe iha hanesan munisípiu Baucau, nomos Viqueque, ema balun asaltu ami nia apoiantes to’o kanek grave maibé rekopera ona nune’e ho insidente kazu ne’e ami kondena teb-tebes hodi husu ba judisiáriu, polísia no Ministeiru Publiku sei lori ba oin tamba kazu ne’e krime eleitorál ”, afirma presidente ekipa sucesu.
Iha tempu hanesan, sekretáriu jerál konsellu jurídiku partidu KHUNTO, Ruben Carvalho, apela ba militantes partidu KHUNTO, wainhira hala’o kampaña eleitorál aban labele konsumu alkhol, lori kroat ruma, bandu labarik kiik atu partisipa , nomós militantes sira husi munisípiu haat ne’ebé besik kapitál Dili labele partesipa iha kampaña refere.
”Ha’u hakarak apela ba militantes partidu KHUNTO, aban tuir kampaña eleitorál labele hemu-tua, lori armas, atributu artemarsiais sira, nomos labarik ki’ik mos labele partesipa, apela mós ba militants no partisipante sira iha munisípiu haat hanesan Manatuto, Aileu, Liquica no Ermera, atu nune’e evita ba insidente ruma ne’ebé atu akontese ”, apela Ruben Carvalho.
Tuir oráriu, aban (16/03) kandidata ho númeru sorteu 9 hala’o nia kampaña eleitorál ikus iha kampu futeból ai- tarak laran (Dili), hahu iha óras tuku 14:00 Pm ÓTL. (REMATA).
loading="lazy" />