G-NEWS (DILI) – Relasioná ho atendimentu públiku kona-ba trata Passaporte no Billete Identidade (BI) sai hanesan diskusaun públiku iha plataforma dijitál no sosiedade tomak.
Situasaun hirak ne’e afeta tebes ba sidadaun tomak iha territóriu nasionál, liu-liu sirs ne’ebé trata foun passaporte no Billete Identidade ka renova ka dokumentus importante sira ne’e.
Komunidade ida Elbebenia Jorques Soares, ba G-News (Kinta-Feira17032023) lamenta ho atendimentu dokumentus notariadu la ho sériu.
“Oinsa ho pasaporte ne’ebé mak ba halo maibé blanku laiha, maibé ema halo privadu nian blanku iha fali”, tenik Nia.
“Ha’u atu dehan deit katak tenpu ida agora ne’e ema halo passaporte no Billete Identidade ba iha notariadu, MBE ba Hlo atu presija urjenti maibé hanesan Ami nian iha munisipiu Ermera nian nè halo BI. Sira dehan hein to’o fulan rua ka tolu tan, no ba halo passaporte sira dehan blanku la iha”, Nia aumenta tán.
Tuir ninia observasaun katak, durante ne’e sidadaun balun ne’ebé ho rendimentu ki’ik susar atu hetan lalais dokumentus sira, no kumpri regras deit, kompara ho sidadaun sira ne’ebé iha rendimentu boot.
“Pois ema fó osan hosi kotuk sira ne’e, sira atende lalais loos, ema sira hanesan ba halo passaporte, no Billete Identidade hanesan osan la iha atu fo sira ne’e, sira koalia dehan sei han to’o fulan rua ka tolu. Kuidadu la hanoin ba ema ne’ebé mak hosik fatin seluk mai, pois iha balun mai antes tuku ida sei kalan ne’e iha povu balun mai heun deit to’o dáder tuku-8, maibé balun to’o iha oin entrega tiha, hotu sira dehan hein fulan rua ka tolu”, nia lamenta.
“Sira ne’ebé mak atende kona-ba buat hirak ne’e, sira la hanoin, tanba iha ema lubuk Ida mak presiza halo BI no pasaporte. Urjente no lais maibé sira atende lalos, liu-liu la tuir lei ne’ebé mak fó ba sira. Sira halo tuir sira nia hakarak deit. Pois ema ne’ebé mak fó osan no lori osan selu sira ne’e, sira atende lalais loos”, Elbebenia hakotu.
Jornalista : Ekipa G-News
Editór Testu : Amito Qonusere Araújo
loading="lazy" />