Expedito Entrega Hikas Kargu, Lamuka Apresia

Jornalísta : Amar Belo

G-RTV.com (Dili) : Prezidente interinu  Konsellu Imprensa (KI) Expedito Dias Ximenes entrega hikas Kargu ba Virgílio Guterres  “ Lamukan”  hanesan Prezidente hafoin la hetan konfiansa husi povu.

Tuir nia, durante fulan tolu prezidenti KI halo atividade polítika hodi kompete ba elisaun prezidensiál periode 2022-2027 tamba ne’e nia simu nu’udár kargu hanesan prezidente interinu KI.

“Ita hotu akompaña durante Fulan tolu (Janeiru-Marsu 2022), ha’u hanesan prezidente Interinu KI Timor Leste hamutuk ho konselleiru sira tamba ita hotu akompaña Virgilio Guterres halo konkorensia ba elisaun presidenziál 2022 tamba ne’e KI fo despensasaun ba nia durante fulan tolu maibe iha loron 25/04 nia simu fali kna’ar hanesan Prezidente KI nune’e ha’u sei entrega fali atividade hanesan baibain ”. Deklara Expedito bá jornalista sira iha sala Konferénsia KI, Quintal Bo’ot, Dili, Segunda-feira, 25/04/2022.

Nia afirma liu tan hodi agradese média nia servisu durante períodu eleisaun prezidensiál 2022.

“Aproveita opurtunidade ida ne’e atu agradese média hotu-hotu no media na’in sira bá serbisu hamutuk maske iha pontus ka notas balun ne’ebé ekipa KI halo monitorizasaun avaliasaun no monitorizasaun analizasaun ba iha produtu jornalitikus durante ne’e. ita bo’ot sira hala’o ho di’ák hatudu duni imparsialidade no neutralidade iha aktividade jornalístiku nia durante elisaun prezidensiál.” Nia afirma

Iha tempu hanesan virgilio Guterres “Lamukan” konfirma “Ha’u Hakarak hato’o apresiasaun maka’as ba konselleiru Expedito durante fulan tolu nia laran tenki assume kargu ka reponsabilidade bo’ot iha konsellu imprensa hodi tau matan no kontinua prezide plenária no enkontru ezekutivu atu mantein KI nian liu-liu atu tau matan ba nia kobertura média sira nian nomos lala’ók jornalísta nian iha períodu kampaña eleitorál nian.” Eis-Kandidatu prezidente RDTL 2022-2027 konfirma.

Nia deklara hahu iha loron 25/04/2022, assume hikas fali kargu hanesan KI   tamba durante fulan tolu despensaun kargu hodi halao aktividade vida politíka atu kompete ba elisaun prezidensiál ho númeru sorteiu 12 ne’ebé ikus mai la hetan konfiansa husi povu iha primeira volta.

(REMATA).