G-NEWS (AINARO) – Iha Tersa-Feira (18042023) tuku-9 kalan, mate-isin matebian na’in tolu mate tanba hetan oho hosi suspeitu ida, ne’ebé akontese iha Segunda-Feira madrugada semana ne’e. Hafoin kazu ne’e akontese, autoridade seguransa asegura kedan suspeitu hodi prosesa tuir lei.
Joven ida iha Ainaro Rio de Araújo Kuarta-Feira (19042023) madrugada informa ba G-News katak, matebian na’in tolu nia isin mate to’o ona iha rezidensia hafoin remata autópsia iha Dili.
“Mate ohin to’o mai uma matebian nian, iha tuku-9 kalan ne’e, hafoin remata halo autópsia iha Dili, Ambulância tolu mak tula mate nain tolu ne’e mai, no dadauk ágora família sira hader mate isin iha uma Knua Ainaru Nunu-mogue tuir kultura Ainaru nian”, nia informa.
“Suspeitu agora iha prizaun, ko’alia kona-ba família, enjerál suspeitu ho vítima família sira ida de’it, tanba suspeitu ho vítima uma lisan ida de’it, suspeito nia pãe no mãe mak hela família iha postu Hato-builico besik Ramelau nia hun, maíbé dalaruma Suspeitu nia pae mae pasti la mai, tanba nia iha hela tauk nia laran, mais seidauk serteja katak pãe mãe husi suspeitu mai ka lae, ha’u ladun hatene tanba ha’u seidauk hatene informasaún klaru”.
Tuir Rio katak, família matebian sira koopera ho autoridade judisiariu desde hahú akontese kazu oho, iha ne’ebé Polísia sira husu atu lori ba autópsia.
“Família mos ejiji parte órgaun judisial tenke fo pena todan ba suspeitu tanba oho ema nain hat kedan, ida moris, tolu mate”,
“Ha’u foin orseik polísia lori mate isin ba halo autópsia, parte autoridade sira esplika deit mak ba família sira katak, ita nafatin koopera ho justisa tuir saída mak orientasaun polísia sira dehan. Hafoin lori tia mate isin ba halo autópsia, xefe aldeia rasik mak organiza família, komunidade, vizinhu sira hodi halo tenda preparasaun hodi hein mate isin fila husi autópsia”, Rio hakotu informasaun refere.
Jornalista : Ekipa G-News
Editór Testu : Amito Qonusere Araújo
loading="lazy" />