G-NEWS (MANUFAHI) – Governu Munisípiu liuhusi Autoridade protesaun sivil (APC), ho autoridade Munisípiu Manufahi, tersa-feira (09/05) ohin, distritu apoiu emerjensia ba komunidade afetadu inundasaun uma ka’in 24, iha aldeia kolokau suku Umaberloik postu administrativu Alas.
Komandante operasaun protesaun sivíl (APC, inspetúr polísia Nívio Jerónimio Baptista hateten, apoiu emerjensia ne’ebé fó apoiu, hanesan fós kilograma 50, mina, masin midar, susu-been, biskuit, no apoiu Ai-haan sira, inklui apoiu emerjensia la’ós Ai-haan, hanesan lona, kapoti, basian, sabaun, bikan-kanuru, sanan no apoiu la’ós Ai-haan sira seluk.
“Ohin ita apoiu uluk familia afetadu 24, aban ita kontinua apoiu tan familia afetadu uma ka’in 75 ne’ebé korénti mota foin tama sira-nia uma iha tersa-feira (09/05) ohin, totál uma ka’in ne’ebé hetan dezastra husi korénti mota laklo iha aldeia kolokau ho total familia 100, totál populasaun 578, mane 300 feto 278, Nívio informa”.
Iha parte seluk pesoal saúde postu Alas hala’o mós tratamentu saúde ba komunidade afetadu iha aldeia kolokau.
Jornalista : Júlio Guterres
Editór Testu : Amito Qonusere Araújo
loading="lazy" />