G-RTV News (16/04/2021): Funsionáriu ANATIL,EP no Ajénsia servisu iha Aeroportu Prezidente Nicolao Lobato Dili simu Vasina.
Aktividade vasina ne’ebé hala’o iha Aeroportu, nu’udar faze dahuluk programa vasina nian ne’ebé guvernu propoin ba liña frente sira.
Prezidente ANATL,IP José Trindade da Cruz Pinto hateten Funsionáriu no azénsia sira ne’ebé sirvisu iha aeroportu ba atindimentu, konsideradu hanesan liña frente.
“Funsionariu sira ne’ebé mai simu iha Aeroportu konsidera hanesan liña frente, atu hasa’e imunidade hodi hasoru Covid-19 ’’, haktuir Nia.
Prezidente ne’e informa mós katak funsionáriu hira ne’e mai la’ós obrigatóriu.
‘’Hanesan prezidente ha’u apela atu mai maibé la obriga funsionáriu sira iha aeroportu atu simu’’.
Iha fatin hanesan, funsináriu aeroportu husi ANATL,EP hato’o katak “ha’u la sente sinál negativu ruma, hafoin simu vasina astrazaneca ida ne’e tamba, di’ak liu prevene antes tamba moras ida ne’e problema mundiál”.esklarese husi Mario Ximenes (42).
Totál funsionáriu iha aeroportu nain 50 resin maibé atu simu vasina , seidauk klaru tamba laós obrigasaun tuir deklaraun husi prezidente ANATL,EP .
Prosesu vasinasaun ne’e hahu iha óras 09:00 dadér OTL no hala’o husi Ministeriu Saúde iha area Aeroportu Dili.
Jornalista: Júlio Paixão
Editor : Armenio dos Santos
loading="lazy" />