Foin Loron 4 Kampaña, CNE Louva Kandidatu PR 2022-2027

Jornalísta : Amar Belo //

G-RTV.com (Dili) : Comissão Nacional Eleição (CNE) louva kandidatu Prezidente Repúblika (PR) 2022-2027 sira tambá mantein estabilidade ba kampaña durante loron haat ne’e.

Afirmasaun apresiasaun ne’e mai husi prezidente CNE, José Belo tabá durante loron 4 la’o di’ák liu husi koordenasaun ne’ebé di’ák.

‘’ Ita louva ba ita nia kandidatura sira liu-liu bá ekipa sira ne’ebé mak koordena ho di’ák tamba durante loron ha’at kampa la’o ho di’ák”, lia apresiasaun husi Belo, iha nia kna’ar fatin, Sexta ne’e, 04/03/2022.

Nia hatutan buat balun mak CNE rezista tambá ne’e presija ekipa sira tau ba prioridade liu-liu labarik Sira ne’ebé envolve iha fatin kampaña.

‘’Buat balun mak CNE rezista tambá ne’e presija ekipa sussesu sira tau ba prioridade liu-liu labarik sira ne’ebé envolve iha fatin kampaña, ne’e hanesan preokupasaun sidadaun nomós orgaun eleitorál nian’’, dehan José Belo.

Nia mós husu bá ekipa sussesu sira atu respeita nafatin kalendáriu ne’ebé deside hamutuk atu nune’e hafasil ba CNE , observadór nasionál, internasionál, média no seguransa atu asegura kampaña ho Di’ák nomós evita mini-kampaña tamba iha Lei laiha mini-kampaña.

Nia Akresenta tan, husu ba kandidatura ho Nia ekipa Sira atu lable hakilar simbolu ka naran arte marsiais tambá lei koalia de’it kampaña ba prezidensiál la koalia ba naran seluk.

Entretantu, kampaña prezidensiál tinan ne’e hala’o husi kandidatu na’in 16 inklui feto 4 ne’ebé hala’o durante loron 15, hahu loron 2 to’o 16 fulan ida ne’e. (REMATA).