G-RTV.com (Dili) : Polísia Nasionál Timor Leste (PNTL) liu husi Kompañia Korpu Seguransa Pessoál (CSP-Sigla Português), koloka Membru assegura atividade Pessoál Partidu Polítiku, Konselleiru Máximu Partidu Kmanek Haburas Unidade Nasionál Timor Oan (KHUNTO), José Dos Santos ‘’Naimori Bucar’’.
Desijaun kolokasaun ne’e mai husi Guvernu liu husi despaixu Primeiru Ministru Taur Matan Ruak hatun mai komandu PNTL, no ezekuta husi CSP.
‘’Tuir orientasaun komandu jerál PNTL, bazeia ba despaixu husi Primeiru Ministru Taur Matan Ruak, no koloka membru CSP na’in 3’’. esplika Komadante Kompañia CSP, Inspetór Xefe Polísia, Marcos Soares Lopes, bainhira remata abertura serimónia kursu formasaun ba membru CSP iha Bairru-Pite (Dili), Tersa ne’e. (25/01/2022).
Komadante unidade ne’e, reforsa tan, Tuir Lei, PNTL assegura sidadaun hotu-hotu, se mak iha situasaun ameansa nia laran bele halo karta ba entidade sira, hetan aprovasaun no bainhira despaixu tun, CSP prontu ezekuta órdem hodi koloka membru sira.
Entretantu, membru CSP ativu hamutuk 265 ne’ebé koloka ona bá alta entiade hanesan orgaun soberanu 4, eis-titulares, membru guvernu, instituisaun públiku balun,embaixada Amérika ho kolokasaun membru husi ema na’in 3 bá leten konforme volume ameansa.
UEP-CSP moos preparadu ona atu atende tempu kampaña bá kandidatu prezidente ne’ebé sei konkorre iha Eleisaun Prezidensiál Tinan ne’e.
Jornalista : Arménio
Editór : Ekipa G-RTV.com
loading="lazy" />