G-NEWS (Dili) – Koñesimentu sidadadaun sira nian oinsá atu utilza internet ho di’ak ba vida sosiedade iha ambitu liberdade imprensa no liberdade expresaun iha kontekstu mídia nian ne’ebé positivu hodi públika informasaun ho lais no atual liu husi kanal Telemovel ka meius seluk.
Ministériu de Assuntos Parlamentar Komunikasaun Sosiál liu husi Dirasaun Nasionál Dezamina Informasaun, Departementu Peskiza no Ánaliza Mídia aprezenta rezultadu peskiza ho tema sidadaun sira nia asesu ba meiu komunikasaun sosiál iha Timor-Leste, ne’ebé aprezenta iha Salaun Delta Nova, Kinta-Feira ne’e ((10/11/2022).
Apresenta rezultadu peskiza ba publiku ne’ebé hahú iha fulan Maiu tinan 2021 to’o fulan Agostu tinan 2022 , ne’ebé hala’o ona iha munisípiu-13 inklui RAEOA.
Iha semináriu Nasionál ne’e, Ministru Assutnus Parlamentar no Komunikasaun Sosiál Francisco Jeronimo hateten, polítika governu nian sempre la’o nafatin oinsá mak liberdade espresaun no liberdade sidadun sira nian hetan asesu ba informasaun iha Timor-leste
“politika la’o nafatin, governu sé de’it mak mai fó nafatin espasu hodi apoiu atu nune’e liberdade ne’ebé mak ita konsagra iha konstituisaun tenke sai ita hotu nian no realiza iha atetude hotu iha konstituisaun, tanba ne’e ita hotu-hotu hakruk ba lei no dadauk ne’e Ministériu de Assuntos Parlamentar Komunikasaun Sosiál defini programa perioridade 4 mak hanesan, esforsu atu halo lei radiofuzaun, Lei siberniotika atu regulariza informasun hoax ne’ebe la iha resposablidade, Haforsa seitor komunikasaun sosiál nian hodi garante liberadde no independensia, Fo tulun ba komunikasaun sosial sira atu promove identidade no kultura POVU Timor-Leste” dehan nia
Papel MAPKOMS mak atu hadia sistema ida di’ak no justu ba ema hotu, atu garante demokrásia sustentavel no presiza opiniaun públika ida ne’ebé forte, partisipativa, informadu no ho kapasidade atu halo intervensaun, tanba Demokrásia ne’e iha hodi ema hotu nia partisipasaun no kontinuasaun.
Governante ne’e haklean liu tan katak, hadia demokrásia governu tenke aumenta nafatin asesu ho demokratiku ba meiu komunikasaun sosiál sira hotu, no governu sei haforsa nafatin iha setór komunikasaun sosial nian, hodi asegura apoiu polítika ba imprensa sira, atu la’o nafatin ba oin ho forte no iha kbiit, nune’e labele monu ba presaun polítika no ekonómika, atu nune’e bele fó nafatin informasaun ba komunidade.
Entertantu sidadaun sira ne’e mak asesu ba meius komunikasaun sosial iha Timor-leste, tuir rezultadu peskiza husi Direção Nasional de Informasaun katak, sidadaun sira ne’ebé asesu Jornal pursentu 8.32% no la asesu hamutuk pursentu 91.68%, sira ne’ebe asesu Rádiu pursentu 26,66% no la asesu mak 73.34%, sira ne’ebé Asesu ba Televizaun pursentu 65.48% no la Assesu 34.52%, sira ne’ebé asesu ba liña Internet mak pursentu 46.30% no sira ne’ebé la asesu pursentu 53.70%, sira ne’ebé asesu ba Youtube mak pursentu 94.49% no sira ne’ebé la asesu mak 5.51%.
Jornalista : Teotonio Alves Pinto
Editór textu : Amito Qonusere Araújo
loading="lazy" />