G-RTV.com (DILI) : Polísia Nasionál Timor Leste (PNTL) liu husi komandu Munisipiu Dili, hahu halo treinamentu tékniku no fíziku ba membru forsa rezerva komandu nian hodi hakalma situasaun iha kapitál Dili.
Treinamentu ne’ebé hala’o durante loron tolu, partisipa husi membru hamutuk na’in 25 ne’ebé mai husi komandu munisipal.
‘’Treinamentu ida ne’e atu reviu fila-fali treinamentu ne’ebé antes ne’e hetan ona ho nia treinadór sira mai husi forsa rezervada ne’ebé hetan formasaun husi akademia polísia, nune’e bele halo atuasaun di’ák liu tan iha terrenu’’. Afirma Komadante Munisípiu Dili, Superintendente Xefe Polísia Henrique Da Costa, iha Komandu munisípiu Dili, Kuarta ne’e (26/02/2022).
Treinamentu refere, tuir komadante munisipal deklara, sei bolu moos komandu eskuadra sira ne’ebé pertense ba komandu Dili nian ho treinamentu konjuntu ne’ebé sei halo iha tempu badak.
Husi treinamentu forsa rezervada nian prepara moos ba períodu eleisaun prezidensiál 2022 ne’ebé sei hala’o durante fulan tolu (Janeiru-Marsu) .
Medida sira ne’ebé sei utilizu iha atuasaun forsa rezerva nian, hahu ho alerta husi bolu (alerta), hafoin halo atuasaun, maibé bainhira iha situasaun ne’ebé difísil liu, última rekursu mak utiliza arma.
Munisípiu Dili, oras ne’e dadaun membru ativu PNTL hamutuk na’in 517, maibé efetivu iha servisu hamutuk membru na’in 470, tambá balu hetan suspensaun no moras.
Jornalista : Arménio.
Editór : Ekipa G-RTV.com.
loading="lazy" />