Jornalísta : Arménio //
G-RTV.com (Dili) : Akontesimentu inundasaun ne’ebé akontese iha mota Comoro, Segunda-Feira loraik (21/02/2022), afeta ba família kuaze uma kain 30 resin obrigatóriamente tenke evakua ba salaun D. Bosco Comoro (Dili).
Iha evakuasaun ne’e inklui mós ho labarik menoridade husi tinan 0-13 hamutuk kuaze 50 resin mai ho nia família, husi sira nia idade bele mós provoka traumátiku ba sira nia psikolojia nune’e Salesiano sira kria animasaun ba sira.
‘’Iha D. Bosco nia uma, ami sempre iha animasaun bá labarik no jóvem sira, inisia husi D. Bosco to’o agora, nune’e animasaun ida ne’e kria ho objetivu atu hasai sira husi situasaun traumátika, lori sira sai husi buat ruma ne’ebé hatodan sira nia fuan’’, Dehan Pe. Jolino Vieira, SDB nu’udár responsável animasaun no média iha salaun D. Bosco, Tersa ne’e, (22/2/2022).
Hamutuk ho ki’ik-oan sira, Padre ne’e afirma liu tan, animasaun ne’e sira oferese mak jogu, hananu, dansa, haksolok hamutuk.
‘’Animasaun ida ne’e, ita hala’o liu husi jogu, hananu, dansa hodi lori sira haksolok iha situasaun ne’ebé sira hasoru atu labele hanoin fali’’, Afirma Padre salesiano ne’e.
Animadór sira iha animasaun ne’e maioria mai husi salesiano sira iha uma formasaun Comor inklui frater sira hamutuk na’in 29.
Entretantu, família ne’ebé evakua ba fatin seguru ne’e, maioria mai husi uma ne’ebé afeta bá inundasaun inklui iha amensa ba perigu vida, no maioria hetan ona assisténsia husi insituisaun públiku no privadu inklui na’in bá empreza Gardamor (G-RTV.com) ne’ebé desde horseik hamutuk ho família vítima. (Remata).
loading="lazy" />