Jornalísta : Arménio //
G-RTV.com (Dili) : Sidadaun Timor-oan ho idade 43 liu husi nia mehi, kona ‘’Bola-Merah’’ husi Lotaria (SDSB) Grand Dragon Timor ho montante osan USD. 100 Mill.
‘’Ha’u Joga babain ne’e joga $1 U maibé horseik (22/06) ha’u joga vezes $5 nian, tambá mehi ne’ebé ha’u hetan iha tersa kalan hó númeru 567480, ha’u la hatene osan ho montante ne’e atu halo saida ?,’’ Espressa husi Amilcan Fernades nu’udár manan na’in bá Lotaria iha edifísiu sentrál Grand Dragon, ohin, Kinta-Feira, 22/06/2022.
Sidadaun ne’ebé mai husi munisípiu Lautém ne’e, simu osan direta husi kompañia Lotaria ho montante $100 Mill ne’e, entrega direta husi estrutura kompañia inklui sasin husi Inspetór Jogu (MTCI) no SIKN-PNTL.
Durante ne’e benefisiáriu hela de’it iha uma aluga (Kos) mesak iha Dili no sai funsionáriu iha instituisaun públiku balun. Nia família rasik oras ne’e iha hela Munisípiu Lautém.
Tuir Sasin nu’udár mós ajente ida ne’ebé fan Lotaria bá nia, haktuir, ‘’Amilcan la fiar bainhira ha’u kontaktu nia, tambá nia sai ha’u nia kliente di’ák, no nia husu atu ami rua ohin bele mai foti osan,’’ Sasin Konfirma.
Nune’e moos, Kompañia rasik apresia tambá hafoin loke iha Dezembru tinan 2021, ba dala-uluk foin iha kliente ida ne’ebé kona osan ho montante Bo’ot ne’e no husi osan montante refere kompañia sei la foti maibé kompañia rasik mak sei selu impostu %20 bá estadu inklui ‘’bonus’’ bá agen ne’ebé fan lotaria bá kliente sira.
(REMATA).
loading="lazy" />