Iha Ermera, Horta : Aumenta Tan Plantasaun Kafé, Troka Kafé Tuan

Jornalísta : Arménio //

G-RTV.com (ERMERA) : Kandidatu Prezidente Repúblika 2022-2027, José Ramos-Horta hala’o kampaña ikus ho tipu min-kampaña iha munisípiu Ermera.

Iha mini-kampaña ne’e, Horta afirma nia polítika konabá plantasaun kafé ne’ebé domina iha Ermera.

‘’Tenke aumenta tan plantasaun kafé, guvernu tenke matenek halo mobilizasaun bá ema no osan iha fatin ne’ebé di’ák ba planatasaun kafé, konforme tékniku sira hateten, troka kafé hun ne’ebé antigu ho kafé foun. Tenke buka renovasaun bá plansaun kafé,’’ Afirma Horta iha mini-kampañane’ebé realize iha kampu Gleno, 13/04/2022.

Nia hatutan, bainhira eleitu, nia sei koalia ho guvernu atu kria Fundu kafé hodi estabiliza no proteje folin kafé iha rai-laran no rai-liur.

‘’Kria fundu kafé, hanesan ha’u koalia dalabarak ona, atu proteje folin kafé tambá ita la konsege kontrola folin kafé iha rai-liur,’’ Hatutan Nia.

Nia mós hato’o katak ho fundu kafé ne’e ita bele kuidadu liu tan kontrola folin kafé, bainhira presu tun, ita labele fan no rai de’it iha armazém, no fundu ne’e rasik sei sai sosíu ida ho produtór kafé hodi bele hetan benefísiu ida máximu.

Partisipa iha mini kampaña ne’e, apoiante sira mai husi postu-administrativu Gleno, Railacu sorin inklui ermera antiga balun.

Hetan observasaun husi observadór nasionál no internasionál, assegura husi PNTL.

(REMATA)