Jornalísta : Júlio Sónia Paixão //
G-RTV.com (Dili) : Kandidatu prezindente repúblika 2022-2027 (KAPREZ) ho númeru sorteiu 8, Lere Anan Timur (LAT) halo kampaña ikus iha kampu futeból Suku Comoro, Dili.
Iha kampaña ikus, Tenente Jenerál Reformadau ne’e, hateten, nu’udár prezidente repúblika (PR), nia sai guardiaun no kumpridór ba ita nia konstituisaun.
“Bainhira ha’u sai prezidente , tenke sai guardiaun, sai mós defensór ka kumpridór ba ita nia konstiutuisaun, nia mak sai ita nia klamar, karik konstituisaun la iha, ita la iha klamar, tamba ida ne’e mak ha’u sai nu’udár PR, atu defende no obriga ema hotu-hotu tenki kumpri i hotu-hotu tenki iha lei nia okos, labele iha lei nia leten”, Afirma Lere iha komísiu kampaña ikus ne’ebé hala’o ohin iha Suku Comoro (Dili), 16/03/2022.
Nu’udár komadante reformadu iha instituisaun F-FDTL, nia mós sei prioritiza membru forsa rua, militar no polísia nia moris liu husi kria konsidaun adekuadu.
“Karik ha’u sai PR, hakarak ha’u nia soldadu militár no polísia sira tenki moris di’ák, ha’u tenki kria kondisaun di’ák bá sira tenki halo bem star ba sira nune’e membru militár no polísia ida-ida tenki besik sira nia família no ha’u sei kria bairro ida ba forsa F-FDTL no PNTL, atu sira bele moris hakmatek hodi hala’o sira nia servisu no kna’ar nu’udár lutu ba nasaun no tamba dignidane nasaun nian”, Dehan LAT.
Iha kampaña ikus ne’e, LAT la haluha hato’o mós nia obrigadu ba média no ba ema hotu ne’ebé durante akompaña nia kobertura iha atividade kampaña eleitorál iha munisípiu sira. (REMATA).
loading="lazy" />