Jornalísta : Júlio Sonia Paixão //
G-RTV.com (Dili) : Kandidatu prezidente repúblika períodu 2022-2027, Lere Anan Timur (LAT) kontinua halo kampanha ba dala 4 iha iha kampu 745, postu-administrativu lospalos (Lautém), 05/03/2022.
Iha kampaña ne’e, eis-komadante F-FDTL hatete, bainhira eleitu, sei halakon korrupsaun iha timor leste, liu husi halakon familiarista.
‘’Hau sei halakon korrupsaun ho familiarista iha ita nia rain atu ema hotu iha direitu hodi hetan servisu iha fatin ne’ebé presija rekursu la’ós bolu de’it família iha fatin servisu ida halo ema seluk nafatin halerik ba servisu’’, deklara kandidatu xefe estadu ne’e iha komísiu polítika.
Kandidatu ho númeru sorteiu 8 ne’e afirma liu tan, diálogu nasionál ho líder nasionál sira sai dalan ida di’ák liu atu dezenvolve ho páz Timor Leste nia futuru.
Tuir observasaun, simpatizante no militante husi partidu balun kuaze 2000 resin, partisipa kandidatu LAT ne’ebé mai husi munisípiu Lautém, postu-administrativu Iliomar. https://g-rtv.com/blog/iha-baucau-lat-promete-dialogu-nasional-bainhira-eleitu/2514/notisia/
Esperénsia Lideransa husi LAT ho naran kompletu Tito da Costa Cristovão, hahu ho Sekretátiu jona to’o komadante reziaun durante períodu funu hasoru invazaun indonézia tinan 24 no hafoin ukun-án, kontinua iha vida militár ho postu reformadu hanesan Tenente Jenerál F-FDTL.
Hafoin husik hela fatin kampaña, kandidatu ne’e, hakat fila bá munisípiu Dili, hodi kontinua nia atividade kampaña iha Munisípiu foun Atauro, maibé antes to’o Dili, kandidatu ho númeru 8 sei vizita saudozu Vicente Reis nia ruin iha Bucoli, Baucau .
Entertantu, iha eventu politiku ida ne’e, hetan observasaun direita husi CNE inklui obsevadór internasionál sira. (REMATA).
loading="lazy" />