G-RTV.com (Dili): Eleisaun Prezidensiál ne’ebé sei akontese iha tinan 2022 hodi kompleta mandatu atuál Prezidente Repúblika Franscisco Guterres Luolo husi períodu tinan 2017-2022.
Nune’e, liu husi konferénsia Imprensa ne’ebé hato’o husi FANS ASSANAMI nu’udár Movimentu Juventude no Estudante Universitáriu fihir ona Prezidente Partidu Demokrátiku (PD), Eng. Mariano Assanami Sabino tambá preparadu ona bá kadeira Palásiu Aitarak-Laran.
‘’ Maluk Juventude sira no estudante sira, hare no fihir jerasaun foun ne’ebé maduru ona iha prossesu rezisténsia, iha vizaun diák no preparadu ona atu serví RDTL mak Eng. Mariano Assanami Sabino’’ lian husi konferénsia Imporensa ne’ebé G-RTV.com assesu.
Grupu Movimentu FANS ASSANAMI / Foto : D. Guimarães
Husi Jardím 5 de Maio, Kolmera, juventude hirak ne’e afirma nia pozisaun katak sei apoiu inkondisionál bá atuál deputadu husi PD ne’e.
‘’Ita nia apoiu inkondisionál bá Eng. Assanami inklui husu atu bele kandidata-án bá Prezidente Repúblika ho razaun tambá ativista, polítiku, inspiradór jerasaun foun, simples, akomodativu, iha konseitu diak, no iha relasaun diak ho se de’it’’. Haktuir iha konferénsia imprensa husi FANS ASSANAMI iha loron 20/12/2021.
Husi konferénsia imprensa neé, bá dala-uluk movimentu ida eh organizasaun ida deklara abertamente temi Prezidente PD nu’udár ”sinál” ida atu Mariano Assanami Sabino husi munisípiu Lautém, Postu Administrativu Luro kandidata-án bá Prezidente Repúblika.
Etretantu, notísia ne’ebé G-RTV.com assesu iha fulan balun liu bá, internalmente, kandidatu Prezidente RDTL husi PD mosu ho naran 4 mak hanesan atuál Sekretáriu Jerál PD, António ‘’Kalohan’’, Prezidente CPN, Adriano do Nascimento, fundadór PD, Costâncio Pinto no Martinho Gusmão.
Jornalista : Arménio.
Editór : Ekipa G-RTV.com
loading="lazy" />