Jornalísta : Arménio //
G-RTV.com (Dili) : Komissaun Organizadóra ba selebrasaun tinan 20 restaurasaun independénsia no toma posse bá prezidente foun hasoru malu ho prezidente repúblika (PR) eleitu José Ramos-Horta hodi informa preparasaun tomak iha semana rua ikus ne’e.
‘’Ohin ami mai informa PR eleitu konabá preparasaun sira liu-liu programa komemorativu ne’ebé konklui ona hanesan loron 18 fulan Maiu 2022 sei hahu missa agradesimentu iha katedrál Dili iha tuku 9 dadér, kontinua iha loron 19 nu’udár pontu kulminante, ne’ebé sei hahu ho atividade iha Tasi-Tolu iha óras tuku 5 loraik,’’ Dehan Prezidente Komissaun Organizadór, Miguêl Pereira hafoin hasoru malu iha rezidénsia offisiál, Faról, 10/05/2022.
Konabá bainaka ne’ebé sei partisipa iha eventu ne’e , atuál ministru Administrasaun Estatál informa, ‘’Alta entidade (Reprezentante Nasaun) konfirmadu ona mak Prezidente Portugál, Primeiru Ministru balun inklui guvernadór no membru guvernu sira husi nasaun liur,’’ informa Miguêl.
Além ida ne’e, Miguel mós relata preprasaun fíziku seluk hanesan palku ba serimónia nian oras ne’e preparativu sira la’o namas no preparasaun sira seluk la’o ona desde fulan rua bá kotuk.
Iha hasoru malu ne’e, estrutura komissaun organizadór ne’ebé kompostu husi ministru Negósiu Estranzeiru, Vise-Ministru Estatál, Seguransa militár no polísia no ekipa husi prezidente eleitu.
(Remata).
loading="lazy" />