G-RTV News (Dili) : Timor-oan kontinua hatudu nia talentu kreativu liu husi modifikasaun bá motorizada ne’ebé, bele nakfilak sai Karreta.
Kreatividade ida ne’e, maioria mai husi mekániku sira ne’ebé la’ós ho nia nível eskola ne’ebé bo’ot, tambá de’it esperénsia, lori sira ho aten brani hodi hamosu kreatividade no inovasaun oi-oin hanesan ‘‘milagre” ida.
‘’Ha’u la’ós eskola bo’ot, maibé ho esperénsia ne’ebé iha, brani hamosu ideia ne’e, bainhira ha’u hadia ema nia karreta , nune’e iha fulan dezembru tinan kotuk, ha’u hahu bo’ok neneik, hola nia sasan idak-idak, hanesan, motor no roda gerobak, besi no seluk tan atu halo modifikasaun’’ hateten Ireneu Da Costa Oliveira (54), Iha nia rezidénsia, Suku kampung Alór, Munisípiu Dili.
Fontes ne’e, esplika tan, atu hahu ho jeradór nia motór maibé nia sasan balun mak iha Timor la iha, nune’e deside uja de’it motór motorizada Honda Revo.
‘’ Fou-foun ha’u atu utilija motór husi mákina jeradór, maibé tamba nia sasan balun la iha, nune’e tambá ema balun hakarak faan nia mótor husi Motorizada Honda Revo, entaun ha’u deside utiliza ida ne’e’’. Ireneu Esplika.
To’o oras ne’e, nia persentájem ba modifikasaun refere foin to’o iha 80% ho nia gastu orsaméntu $400 USD, seidauk to’o 100% tambá sei haree nia full Body.
‘’Agora foin atinje 80%, ba oin ha’u sei halo 100% konabá nia full body, no to’o oras ne’e gasta ona osan liu $400 USD resin’’. Fontes ne’e konfirma.
Bainhira to’o 100%, mekániku ne’e esforsu karreta motorizada ne’ebé nia hamosu nia ‘’milagre’’ ne’e, atu sai karreta zeep Willys ou karreta rally.
‘’Bainhira to’o 100% ha’u esforsu atu modifika sai hanesan karreta Zeep Willys ou karreta Rally’’. Espressa ho esperansa husi mekánika Ireneu.
Mekánika automotimóvel ne’e fo sai nia passadu konabá nia karreira, Nia aprende husi nia Apa ne’ebé servisu hanesan mekánika iha tempu okupasaun indonézia no ho espíritu ida ne’e Aman ba oan na’in haat ne’e kontinua lori karreira mekánika ida ne’e to’o ohin loron.
Jornalista : Arménio.
loading="lazy" />