G-NEWS (DILI) – Jornalista timoroan keixa, membru Governu, liu-liu Ministru Assuntu Parlamentár no Komunikasaun Sosiál Francisco Jeronimo, ne’ebé prosesa Xefe Redasaun Hatutan.com ba Tribunál tanba deit publikasaun informasaun.
Alende ne’e, Sekretáriu-Jerál TLPU ne’e mós keixa ba Xefe Estadu kona-ba krime sira ne’ebé Jornalista sira enfrenta durante ne’e, inklui mós tentativa sosiedade sira nian ne’ebé atu hamate liberdade espresaun no liberdade imprensa.
Zezito da Silva mós ko’alia kona-ba ajente Óspital Nasionál Guido Valadares (HNGV) ne’ebé tenta impede jornalista nia asesu informasaun iha HNGV.
Nia informa kronólojia bainhira atu asesu informasaun kona-ba funsionáriu Ospitál Nasionál Guido Valadares (HNGV) istoria malu ho ho família vizitante ida.
“Iha Kuarta-Feira (26042023) dáder, tuku 08:00, funsionáriu Ospitál Nasionál Guido Valadares (HNGV) istoria malu ho ho família vizitante ida, iha área Óspitál Nasionál”, esplika Zezito.
Haksesuk malu ne’e akontese tanba vizitante ne’e para kareta iha fatin estasionamentu transporte funsionáriu HNGV nian. Tanba haksesuk malu mak Jornalista hosi Ajênsia Tatoli.IP Zezito da Silva kuriozu atu hatene motivu hosi akontesimentu ne’e.
Alende ne’e, Nia informa mós kona-ba ameasa hosi sidadaun balun ne’ebé ameasa jornalista sira nia produtu, inklui mós keixa ba Prezidente Repúblika kona-ba membru Governu ne’ebé prosesa Jornalista ba Tribunal, tan deit informasaun sira ne’ebé públika kánal sira.
Hatan ba ne’e, Prezidente Repúblika José Ramos Horta esplika kona-ba limitasaun atu asesu informasaun hosi mídia ba fatin públiku sira.
“Iha rai hotu-hotu, ospital sira la autoriza media atu asesu informasaun”, Xefe Estadu esplika.
Xefe Estadu mós nota hela preokupasaun jornalista sira nian.
Partisipa iha diálogu Prezidente Repúblika ho Jornalista sira, âmbitu loron mundial Liberdade Imprensa, maihosi Jornalista sira no na’in ba Mídia sira.
Jornalista : Ekipa G-News
Editór Testu : Amito Qonusere Araújo
loading="lazy" />