G-RTV.com (DILI) : Tinan oin, Timor Leste Sei hili nia Prezidente Repúblika(PR) bá períodu 2022-2027 ne’ebé sei liu husi Eleisaun.
relasiona ho ida ne’e, ohin loron movimentu polítiku husi indivídu, grupu no partidu sira hahu diskute atu hili pessoa ida sai kandidatu bá PR.
Iha Partidu Demokrátiku (PD), partidu ida ne’ebé sempre hetan asentuasaun iha parlamentu nasionál ho idéntiku hanesan partidu jerasaun foun, liu husi Konsellu Polítika Nasionál (CPN-Sigla Português) hahu diskute atu hili membru partidu nian hodi reprezenta PD bainhira konkorre iha eleisaun prezidensiál tinan 2022.
‘’ Ohin kria Ekipa tékniku ida iha interna CPN-PD, atu halo estudu bá eleisaun prezidensiál no kandidatu ne’ebé tuir informasaun husi PD ni’an ne’ebé sei diskute iha konvensaun interna partidu nian mak , Ha’u rasik, António Da Conceição ‘’Kalohan’’, Costânsio Pinto‘’Terus’’, Pe. Martinho Gusmão hanesan fundadór’’ . Hateten Prezidente CPN-PD, Adriano do Nacimento ‘’Loro-Mau’’ ne’ebé G-RTV.com assesu iha pájina Facebook PD ho Identidade : Lian Democrático, Segunda ne’e.
Atuál deputadu ne’e, reforsa tan, PD atu avansa ho kandidatu 1 entre ema na’in 4 ne’e, desijaun mai husi orgaun ezekutivu Partidu.
‘’PD iha kandidatura rasik entre ema na’in 4 ne’e ida, ou partidu deside la iha kandidatu, depois apoiu de’it kandidatu partidu seluk nian, ne’e mak ekipa sei halo diskusaun antes aprezenta ba iha orgaun ezekutivu partidu atu deside’’. Deputadu husi munisípiu Suai-oan ne’e reforsa.
Infomasaun ne’ebé G-RTV.com assesu, eplika moos katak, ekipa ne’ebé lidera husi Loro-Mau, sei análiza hodi aprezenta konabá maneira kogressu ne’ebé sei akontese ho nia regra sira iha partidu ba orgaun ezekutivu ho objetivu atu hili kandidatu ida hodi reprezenta PD iha lista buletim votu ba Eleisaun PR tinan oin.
Provizóriamente, kandidatu ne’ebé naran sai ona iha diskusaun públiku mak Gil da Costa (Atuál Prezidente Konsellu Imprensa),Martinho Gusmão (Dosente filosófia no Eis-Komissáriu CNE), Armanda Berta (Atuál Prezidente Partidu KHUNTO), Dr. José Ramos-Horta (Premiadu Nobel ba Paz), Tenete Jenerál Lere Anan Timur ( Lideránsa máximu F-FDTL).
Jornalista : Arménio.
loading="lazy" />