Jornalísta : Júlio Sonia Paixão //
G-RTV.com (Vikeke) : Kandidatu Prezidente Repúblika 2022-2027, Lere Anan Timur (LAT), kontinua hala’o nia kampaña ho formakomísiu iha kampu futeból Vikeke-Villa, Munisípiu Vikeke, Kinta ne’e.
Antes kampaña, kandidatu ho naran kompletu Titu da Costa Cristovão, tuir uluk missa iha Igreja St. Maria Imaculada Vikeke no vizita martír sira nia ruin ne’ebé oras ne’e sei rai hela iha semitériu Krarás.
Iha semitériu Krarás, LAT ho númeru sorteiu 8 ne’e, promete, karik eleitu nia sei tau restus mortais iha fatin seguru no no sei halo diálogu nasionál.
‘’Karik sai Prezidente Repúblika (PR), ha’u sei rai restus mortais hirak ne’e tau nia fatin ne’ebé dignu, no sei kontinua halo diálogo ho líder sira hotu atu hakotu impasse polítika’’, deklara Lere iha komísiu kampaña.
Hafoin kampaña iha Vikeke, iha dalan hasoru malu ho líder nasionál na’in rua, Xanana no Ramos Horta iha Lohunu (Ossu), iha ne’ebé hatudu jestu amizade, la’ós hatudu jestu adverásiu polítiku nu’udár kandidatu PR.
Tuir observasaun, iha hasoru malu ne’e, Xanana, Lere no Horta, koalia hamansa malu no ekipa ne’ebé akompaña líder na’in tolu ne’e, hakilar viva FRETILIN, Viva CNRT, Vivav PLP.
Entretantu, Kampaña LAT sei kontinua iha loron 4 Marsu 2022, iha munisípiu Baucau ne’ebé sei partisipa husi komunidade iha postu administrative ne’ebé azíste iha munisípiu Baucau.
Iha Vikeke, partipante kuaze 1000 resin, hetan seguransa máxima husi PNTL no observa direta husi CNE, STAE no observadór internasionál.(REMATA).
loading="lazy" />