G-RTV News (06/04/2021) : Tamba Inundasaun iha loron 04/04 liu bá, halo populasaun pelu menus rihun ida resin tenke refuzia ba salaun D. Bosco Komoro, Postu Administrativu D. Alexo, Munisípiu Dili.
Ho nune’erelasiona ho pandemia Covid-19 iha Timor Leste, obrigatóriamente tenke halo teste SWAB ba sidadaun refuziadu sira, husi teste ne’ebé hala’o iha loron ohin no horseik (05/04) rezulta deteta kazu pozetivu Covid-19 iha kampu refuziadu D. Bosco, Komoro.
Tuir responsável Kampu refuziadu DB Komoro Bruder Adriano Maria De Jesus,SDB katak :
‘’ Ekipa mai halo duni SWAB teste, defaktu katak rezultadu ne’e iha ba kazu pozetivu Covid-19’’ haktenik Bruder iha Kampu Refuziadu D. Bosco, Komoro. (06/04/2021).
Responsável máxima ne’e infoma liu tan katak refuziadu ne’ebé detetadu seidauk halo evakuasaun :
‘’ Agora dadaun seidauk halo evakuasaun ba refuziadu ne’ebé detetadu, nune’e atu halo kontrolu susar tebes, iha susar ida nia laran mosu tan susar at liu ne’ebé halo ita hotu ta’uk, ita tenke entrega ba Maroomak’’.
Iha Fatin hanesan, fontes ne’e esplika mós konabá kondisaun ne’ebé sira hasoru iha kampu katak Bé mak susar, nune’e guvernu suplay ona, no esforsu katak hahú aban ekipa konjuntu sei halo verifikasaun atu bele identifika ba refuziadu sira hotu atu oinsa bele idak-idak fila ba nia hela fatin.
Refuziadu ne’ebé hamutuk iha Salaun D. Bosco, uma-kain liu 500 no totál husi ema refuziadu liu ema 1000, no labarik idade 5 mai kraik, liu ema na’in 100.
Jornalista : Julio Paixão
Editór : Arménio.
‘’Família Bo’ot Kompanhia GARDAMOR hato’o solidariedade ba Família afetadu Inundasaun iha Territóriu Nasionál , liu-liu iha kapitál Dili, ne’ebé akontese iha loron 04/04/2021, Forsa nafatin ho korázem tomak, atu ita hotu bele ultrapassa situasaun difísil ida ne’e’’.
loading="lazy" />