Jornalísta : Amar Belo //
G-RTV.Com (Dili) : Kandidata prezidente repúblika (KAPREZ) ho númeru sorteiu 7, Maria Helena Lopes De Jesus Pires koñesida ho naran Milena Pires ohin halo kampaña ikus ho tipu diálogu ho komunidade sira atu rona sira nia preokupasaun iha baze.
Kandidata ne’e informa, halo dialogu ho komunidade sira importante tamba atu fahe programa preoridade sira.
”Ida ne’e enserramentu ba ha’u nia kampaña atu halo diálogu ho komunidade sira tamba hanoin katak importante tebes atu fahe ha’u nia programa preoridade maibé hakarak rona mos husi komunidade sira nia hanoin liu husi pergunta iha dialógu ida ne’e.” Informa Milena Pires, nu’udár KAPREZ 2022-2027, iha sede kandidatura, Bairro Pite, Dili, ohin,16/03/2022.
Tuir Milena, importantes tebes atu halo diálogu komunitariu ne’e tamba rona povu nia halerik “Hakarak dehan mós katak importante ba ha’u diálogu komunitáriu ne’e tamba além de preoridade sira ne’ebé ha’u hasoru, saida mak rona povu nia halerik kona ba kualidade edukasaun, kria kampu traballu ba joven sira nomos presija investór sira ne’ebé iha área oi-oin mai ita nia rai” Tenik Nia
Fontes ne’e, Kandidata-án ba PR ho prioridade lima importante mak hanesan prezidente repúblika ida ne’ebé hakbesik-án ba povu, PR ne’ebé bolu investedor mai rai laran, prezidentene’ebé halo diálogu ho partidu polituku sira.
Nia apela ba apoiantes sira katak, tuir hnia motto “o nia vota mak o nia lian” tamba ne’e uza didiak votu ne’ebé kontribui ba ita nia moris no futuru rasik no nia mós husu ba feto sira hotu, diak liu hili maluk feto ne’ebé promove duni direitu feto.
Antretantu, partisipa iha mini-kampaña ho tipiu diálogu ne’e observa husi observadór nasionál no internasionál, PNTL ,CNE no PDHJ.(REMATA)
loading="lazy" />