G-NEWS (DILI) – Vítima Martinho Goncalves ne’ebé hetan tiru iha nian kabun, hosi membru Polísia eskuadra postu Laútem-Moru, kinta-feira (21092023) kalan, iha área suku Pairara ninian.
Vítima ne’e deklara katak, problema nia hun ne’e akontese iha manu futu fatin iha aldeia Kapuru. Joven sira hosi aldeia Kapuru hala asaun hasoru vítima nia alin, no tenta lori fatuk atu riba ba vítima nia alin, maibé la konsege tanba nia halai sees hosi akontesimentu ne’e.
“Foin dadauk problema ne’e, ha’u nia rian ida ba futu manu iha Kapuru, depois Kapuru nia oan sira baku ha’u nia rian ho ha’u nia alin, sira baku, depois ha’u nia alin monu tiha, sira atu lori fatuk ba riba nia ulun depois ha’u nia alin foti motor halai tiha ba uma, depois katuas sira haree kondisaun la di’ak, ha’u nia alin mós kotuk laran kanek hotu, depois ha’u nia alin lori samurai ba tiha, tanba problema iha ne’ebá bebeik ona, atu katuas mós sira baku de’it. Ne’e mak ami sente la di’ak, entaun ita ba de’it ona, mane-mane ba hotu kedas”, vítima Martinho konta tuir.
“Pas ami ba iha ne’ebá, ema problema ho ami la iha hotu ona, epois labarik ki’ik ida mak tolok ami, pois tuda no halai. Ha’u sente la di’ak duni ba de’it, tama to’o uma laran ida, mak uma ami sobu hotu, uma kala 4 ka 5 hanesan ami sobu hotu, depois katuas sira dehan ami fila. ami fila tiha mai iha knua ami nian mak polisia foin tuir, foin to’o iha estrada sae ba tiru dala ida, pois maun sira sente la di’ak dehan polísia saida mak hanesan ne’e, mai ko’alia ka mai tiru fali. Ha’u nia alin sira, maun sira tuda tiha, depois poolísia hasoru mai, depois ami halai hotu, ha’u ho ha’u nia pai ida, ho maun ida ikus loos, depois nia (Polísia) leno ha’u hetan tiha tiru kedas, ha’u monu fatin iha estrada laran, depois ha’u nia pai no maun ba hasoru polísia”, vítima ne’e kontinua esplika-tán.
Martinho konta katak “depois ha’u monu tiha, polísia na’in 4 ka 5 hanesan ne’e mai besik ha’u dehan soe sae ba kareta leten, depois lori ba ospital, depois ba tiha ohin baku ha’u nia alin sira ne’e, iha ne’ebá polisia dehan hanesan ne’e, loos ona, agora imi sai hosi ne’e, ami tiru ema ida, agora ami soe iha kareta leten, agora kedan imi sai hosi ne’e”.
Nia haktuir tán, bainhira autoridade seguransa lori vítima ba sentru saúde iha postu Laútem-Moru, attitude Polísia ne’e hatudu repete, hodi soe tán vítima hosi kareta leten ba rai, konsege vítima Martinho nia ulun kona keramik, hafoin ne’e mak ekipa doútor sira mak foti nia. Bainhira ekipa médiku sira halo atendimentu, maibé nia kondisaun la permite, duni ekipa médiku deside hodi transfere ba ospitál Baucau, hafoin parte polísia mai haree fali vítima.
Bainhira Jornalista sira husu kona-ba atuasaun Polísia nian katak, antes tiru sira fó informasaun rum aba joven sira, maibé vítima ne’e hatan katak, bainhira polísia ne’e halo atuasaun, to’o besik vítima ho na’in rua seluk, tiru kedan, ho distánsia metro atus ida.
Iha parte seluk, vítima nia maun rasik Teu Freitas Sampaio, ba G-News, iha Ospitál Nasionál Guido Valadares Dili, Secta-Feira (22092023) deklara katak, parte família la satisfas ho akontesimentu ida ne’ebé akontese, tanba tuir nia, kauza hosi problema ne’ebé akontese bebeik ona.
“Ami nu’udar família hosi vítima ne’e rasik, ladun satisfar ho aktus ne’ebé mak hosi parte polísia seguransa halo baa mi nia familia rasik, tiru nia ain kanek, ho nune’e ami familia nia hakarak ne’e atu prosesa fali liuhosi prosesu legal kona-ba aktus ne’ebe mak hosi parte seguransa ne’ebé komete, tamba problema ne’e laos foin mak akontese”, vítima nia maun haktuir ba G-News.
“Antes de akontese hodi tiru alin rasik nia ain, ne’e problema ne’e mosu bebeik ona, maibé hosi parte seguransa la iha kompetensia ho professional ida ne’ebé oinsa tomak responsabilidade ida ne’ebe oinsa atu toma responsabilidade nu’udar parte seguransa atu bele akumula fila-fali komunidade sira hodi fó solusaun ba problema sira ne’ebé sira hosik de’it, entaun problema sai boot tiha mak sira foin tam aba, tam aba, ita sente hanesan pate seguransa hasai bala busan la tuir ona lei, tanba sira nia lei iha artigu 4 pontu 1 to’o 5 la hateten katak, iha ne’eba ne’e hasai ka tiru komunidade enkuantu komuniade ne’e halo espertu ho agresaun fïziku hasoru parte seguransa mak ita bele tiru, mas ida ne’e lae”, Teu Freitas Sampaio kontinua esplika-tán.
Vítima nia maun mós to’o agora seidauk hatene objetivu tiru hosi membru polísia ne’e. Tanba ne’e, parte família sei prosesa kazu ne’e to’o tribunal, bainhira vítima ne’e rekoopera hosi tratamentu médiku.
“Iha ne’e ha’u atu rekomenda ba instituisaun relevante, liu-liu parte Governu, atu bele toma atensaun ba ajente seguransa Polísia ne’ebe mak tiru komunidade. Komunidade ne’e laos animal atu bele ba kasa. Armas ida ne’ebé parte polísia utiliza ne’e atu sai sava guarda ba kmunidade nian, laos uza para atu bele tiru fali komunidade.
Tanba ne’e, nia husu ba Polísia Nasional hosi eskuadra Laútem, atu kontrola Ajente Polísia ne’ebe mak utiliza armas odi tiru, tanba tuir Teo katak, armas ne’ebé uza laos atu tiru komunidade sira seim objetivu ka motivu ruma, laos hasai nar-naran de’it.
Antes ne’e, Komandante Polísia Komandu Munisípiu Laútem Superintendente António Rego Fernandes, ba G-News, Sexta-Feira (22092023), liuhosi telephone informa, kazu ne’e akontese hahú hosi hasai imajen, da’et to’o asalta uma komunidade, hafoin kazu tiru akontese. Hanesan butaun ne’e hodi sani deklarasaun Komandante Polísia Munísipiu Laútem nian. https://g-rtv.com/blog/hahu-hasai-foto-subar-daet-too-tiru-joven-iha-pairara/5102/informasaun-atual/
Jornalista : Asensio Belo
Editór Testu : Amito Qonusere Araújo
loading="lazy" />