G-NEWS (DILI) – Kliente Banku Nasionál Komersiu Timor Leste (BNCTL_sigla portugéz) preokupa ho kualidade mákina ATM (Automatic Teller Machine). Iha postu ATM BNCTL nian iha kapitál Dili, balun ninia prosesu kleur no balun la funsiona, no balun fó deit notifikasaun.
Bainhira kliente sira konfirma ba autoridade BNCTL, sira informa katak, situasaun ne’e akontese tanba dalaruma rede internet lento, no mákina balun manas, iha ne’ebé susar atu prosesa.
Kliente Raimundo Lopes ba G-News, iha Postu ATM Kampung Alor Sexta-Feira (24032023) sente preokupa ho mákina ATM BNCTL nian ne’ebé ninia prosesa osan lentu demais. Tanba ne’e nia husu ba jerente BNCTL atu tau atensaun ba postu mákina sira ne’ebé ho prosesu kleur.
“Boot sira iha BNCTL tenke check nafatin ATM sira, se lae ita ba foti osan, osan labele sai, mákina at, halo ita mak konfuzaun fali. Hanesan tiha ona, ita check osan mós koa, ne’e ita stress”, Nia lamenta.
Iha parte seluk, kliente ida Ermundo Belo, baG-News iha Postu ATM Obrigado Barrack informa, BCNTL tenke moderniza sistema tékniku ho dijital, tanba kada loron númeru kliente BNCTL sira kontinua aumenta ba bebeik.
“Ita triste pahhh…. Loron hira ha’u mai foti osan mas mákina la diak, poisita check osan, koa dadauk. Ita nia osan ida be kiik, ita check ba, osan menus tan”, João haktuir.
Nia mós lamenta tanba ho sálariu ki’ik maibé BNCTL kontinua koa nia sálariu. ” It atu hatene deit ita nia sálariu mós ita tauk, tanba check bosok, koa dadauk ona. Ita nia osan rasik mós ita tauk check, Ha’u la komprende sistema modernu sira hanesan ne’e”, Nia afirma tán.
To’o informasaun ne’e fó sai, G-News seidauk hetan komfirmasaun hosi Prezidente BNCTL.
Jornalista : Ekipa G-News
Editór Testu : Amito Qonusere Araújo
loading="lazy" />