Jornalísta : Amar Belo //
G-RTV.com (Dili) : Komemora loron funsaun públika bá tinan ne’e, komissaun organizadora servisu hamutuk ho Centro Nacional Chega! I.P. (CNC) hodi loke filmázem.
“Atu dehan katak balun mai iha ne’e sira luta na’in hotu maibé atu hateten liu-liu ba foinsa’e sira katak atu fo hanoin fila-fali ita durante ne’e saida maka ita halo no buat lubuk ida mak ita hala’o ona, la’ós fanu ita atu halo odio ba malu tamba iha filme ne’e halo ita laran moras maibé oinsa atu lori Timor la’o di’ák ba oin,” informa prezidente komissaun Selebrasaun loron funsaun públika 2022, Elbino da Costa hafoin akompaña loke filmázem bá funsionáriu sira iha edifísiu CHEGA, Balide, ohin, 27/06/2022.
Iha fatin hanesan, Direitór ezekutivu CNC, Hugo Maria Fernandes mós haktuir “ Filmazenm ida ohin ne’e ho títlu Rezister e vencer hatudu ba akontesementu sira iha tinan 1999 wainhira timor leste tama ba implementasaun akordu ida ne’ebé entre indonézia ho timor no ONU atu halo referendun metin ”. Haktuir Diretór Ezekutivu CNC, Hugo Maria Fernandez.
Nia haktuir tan, hahu husi ne’ebá mak eventu sira hotu-hotu iha Dili liu-liu iha Timor ba preparasaun husi kedan períodu atu hahu prosessu ba referendum nian nomos depois de referindum inklui mos oinsa polítika konaba referendum no violensia sira ne’ebé akontese iha tinan 1999 wainhira ema timor hetan oportunidade atu ba vota determinasaun.
Aktividade ne’e atu komemora aniversariu Komisaun Funsaun Publika nian ba dala 8 ne’ebé monu iha fulan jullu tinan ne’e no halo imparseria ho Ministério Estatál no Komisaun funsaun Públika.
(REMATA).
Editor : Armenio .
loading="lazy" />