G-RTV.com (Dili) : Relasiona ho preokupasaun públiku nian ne’ebé espressa liu husi média sosial konabá stock pulsa dollar ida ($1) ne’ebé hotu iha merkadu.
Tuir fontes kredível ne’ebé G-RTV.com assesu, hatudu katak kliente barak la satisfáz ho atendimentu husi komapañia Timor Telecom (TT) konabá semana rua ikus ne’e, karregamentu pulsa ho valór $1 menus iha merkadu.
Relasiona ho ida ne’e, responsável komunikasaun kompañia TT deklara , tambá situasaun pandemia COVID-19 ne’ebé afeta bá movimentu transporte marítima iha fulan hirak liu bá.
‘’ Dadaun ne’e pulsa fíziku $1 stock la iha tambá durante períodu pandemia Covid-19 iha Timor implika transporte marítima labele tama no sai hanesan situasaun normál nune’e fó impaktu bá ami nia transaksaun pulsa mai Timor leste , maske ita rekomenda kleur ona’’ deklara José Agustinho, nu’udár responsável komunikasaun TT via-Telefone bá G-RTV.com, Segunda ne’e (13/11/2021).
Nia reforsa tan, oras ne’e pulsa fíziku $1 iha ona dalan, maibé responsável ne’e rekomenda bá kliente TT atu hakbesik bá loja TT hodi assesu bá pulsa $1.
‘’Dadaun ne’e iha ona dalan, maibé ami rekomenda bá kliente TT sira atu hakbesik bá ajente (Loja) TT ne’ebé besik iha ita bo’ot sira nia fatin, hodi assesu pulsa $1 ne’ebé sei karrega liu husi pulsa lais no elektróniku’’. Reforsa responsável ne’e.
Nia moos informa katak, pulsa iha armazém hotu, iha fulan rohan Novembru 2021, no garante katak semana balun tan sei to’o iha Timor no sei distribui pulsa fíziku ne’e bá merkadu.
Jornalista : Arménio.
Editór : Ekipa G-RTV.com
loading="lazy" />