G-RTV NEWS : Liu husi Konferénsia Imprensa ne’ebé G-RTV NEWS assesu, Ohin ( 21/03), Timor Leste Selebra Tinan Ida Ezisténsia COVID-19 no númeru Kazu Sa’e Iha Loron hirak liu bá to’o Agora.
Tuir Dr. Rui Maria de Araujo iha Sala Situasaun Sentru Integradu Jestaun Krize ( SS-SIJK) hateten katak, Timor Leste ohin kompletamente Tinan Ida COVID-19 hahu deteta ho kazu ida.
‘’ Ohin kompletamente Tinan Ida, Timor Leste deteta kazu COVID-19 ho Kazu Ida, no klaster lokal ka transmisaun Lokal hahu akontese iha loron 21 Fulan Fevereiru Tinan 2021’’ Haktuir Rui Maria iha SS-SIJK, CCD, Munisípiu Dili (21/03/2021).
Kordenadór Mitigasaun no Prevensaun ba COVID-19 iha SS-SIJK, reforsa tan katak kazu sira hafoin loron 21 Fulan Marsu Tinan kotuk to’o loron 21 Fulan Fevereiru Tinan ida ne’e, molok kazu transmisaun lokál akontese, kazu detetadu hirak ne’e Importadu ka esporádiku.
Konabá dadus ohin loron ni’an ( 21/03) portavoz ne’e relata katak ‘’ Munisípiu Dili kazu Foun hamutuk Na’in 44, maioria husi Suku Bebonuk, aldeia 20 de Setembro ho númeru kazu hamutuk na’in 26, no husi loron 7 Fulan ida ne’e to’o agora, Kazu Munisípiu Dili hamutuk 179. Ohin, Deteta mós iha Munisípiu Baukau Total Kazu na’in 11, Vikeke iha Na’in 4 nune’e kazu totál ne’ebé rekolha iha territóriu nasionál ba loron ohin ni’an, hamutuk 55, Aumenta ho númeru Kazu Ativu antes ni’an, totál hamutuk Na’in 206.’’ Eis Guvernante ne’e deklara liu husi via-Zoom iha Sala Situasaun-SIJK.
Iha Kazu Foun ba edisaun loron ohin nian, hatudu katak Feto domina nafatin iha kazu foun sira durante loron tolu ikus ne’e no munisípiu Dili kontinua lidera númeru kazu pozetivu COVID-19 Iha Timor Leste.
Fontes ne’e esklarese mós iha konferénsia ne’e konabá Kazu Inan-Isin rua nian :
‘’ Iha Loron 20/03 Fulan ida ne’e, iha Izolamentu Tasi-Tolu, Inan isin rua ho idade 27, tuir Istória, akontese Abortu ba pasiente ne’e, abortu horseik hamutuk ba dalarua, kalan ne’e kedas Ekipa Médiku transfere pasiente ne’e husi Tasi-Tolu ba Ijolamentu Vera-Cruz hodi hetan tratamentu husi espesialista sira, nune’e, atualmente nia kondisaun rekoperadu no sei lori fila ba ijolamentu Tasi-Tolu’’ fontes ne’e haktuir.
Ikus liu Eis-PM ne’e aviza ba Sidadaun hotu ne’ebé sai husi Dili ba Munisípiu Seluk molok aplika serka sanitária no konfinamentu Obrigatóriu, obrigatóriamente ba iha pasrte saúde atu hetan kontrolu no nia husu moos ba populasaun tomak atu tuir regra sira konabá prevensaun COVID-19.
Jornalista : Amar Belo / Elia Dias
Editór : Arménio.
loading="lazy" />