SEJD No FHT Lansa Formasaun Internet Saudável Bá Juventude

Jornalísta : Amar Belo //

G-RTV.com (Dili) : Sekretáriu Estadu Juventude No Desportu (SEJD) ho Fundasaun Hadomi Timor (FHT) ofisialmente lansa Internet Saudável atu motiva labarik sira hodi nune’e uza internet ho saudavel no responsabilidade. 

Tuir SEJD, Abrão Saldanha hateten objetivu husi workshop internet saudável ne’e oinsa atu tulun juventude sira atu nune’e  uza internet ho saudável iha sira nia moris ho responsavel.

“Ohin ita mai halo lansamentu workshop internet saudável no vida internet saudavel ho objetivu ida mak oinsa atu ajuda ita nia jóvem sira atu uza internet ho responsavel saudavel ba sira nia moris ” Deklara SEJD, Abrão Saldanha ba jornalista sira iha salaun SEJD, Lesidere, Dili, Kinta-Feira,12/05/2022.

Iha tempu hanesan, Diretór Fundasaun Hadomi Timor Abrão Monteiro hateten, “ Ida ne’e hanesan primeira-véz ami FHT hanesan organizasaun  naun Governamental ida bele serbisu hamutuk ho SEJD liu liu ba workshop internet saudavel tamba fundasaun ne’e koalia liu ba teknolozia informasaun no komunikasaun entaun ami hetan priviléziu ida ne’e hodi serbisu hamutuk ho  SEJD atu bele fo formasaun ba foinsa’e sira atu konseisializa ita nia joven sira hodi bele hatene utiliza internet ho di’ák tuir nia regra, seguru depois evita ameasa sira ne’ebé akontese tamba ita hatene iha media sosiál, iha  mos impaktu lubuk ida,” Abrão afirma.

‘’Liu husi formasaun ida ne’e partenente duni ba foinsa’e sira atu preparadu ba utiliza teknolozia tambá agora dadauk ita labele hakiduk ba mundu globalizasaun tamba ne’e tenki nafatin avansa, iha tarzetu ne’ebé di’ák ba juventude sira ne’ebé ho idade 15-24 , ida ne’e pertenente duni iha ona kapasidade ne’ebé di’ák atu uza internet,” Kontinua ditertór THT ne’e.

Tuir planu, formasaun ne’e hala’o iha munisípiu 13 inklui RAEOA ne’ebé hahu husi fulan ne’e no tuir tarjetu ba formasaun ne’e jóvem no estudante hamutuk ema na’in 858 kompostu feto nain 325, Mane 533 no  kada munisípiu ema hamutuk  na’in 66 kompostu feto 25 no mane 41 ho orsamentu montante USD $13.769 dollar hahu husi lansamentu to’o formasaun.

(REMATA).