G-RTV News (03/02/2021) : Iha loron 02 Fulan ida ne’e, iha óras 07:00 Dadér, sidadaun ida ho naran Filomena Fátima Maia komunidade identifika tara-an iha nia rezidénsia Tasi-Tolu, Aldeia 12 de Outubro, Suku Komoro, Munisípiu Dili.
Superintedente Polísia Euclides Belo, Informa katak Parte PNTL Munisípiu Dili liu husi eskuadra D. Alexo, bainhira rona informasaun ne’e, Ekipa tun direta hodi halo investigasaun ba iha akontesimentu refere.
‘’ Bainhira Rona konabá kazu tara-án, Komandu Munisípiu Dili, hatun ordém ba PNTL iha eskuadra D. Alexo, atu halo konfirmasaun. Nune’e bainhira to’o iha fatin, Lós duni katak Vítima ho naran Kompletu Filomena Fátima Maia Tara-án’’. Haktuir Euclides iha nia kna’ar fatin, Komandu Munisipál Dili ( 03/04/2021).
Segundu Komadante Komandu PNTL Munisípiu Dili ne’e, Esklarese liután katak :
‘’ Tuir Informadór ne’ebé fo informasaun ba Ekipa Investigasaun PNTL katak dadér, bolu vítima atu matabixo hamutuk, bainhira informadór ne’e to’o iha vítima nia Uma no bolu maibé la hatan, nune’e informadór ne’e bainhira loke odamatan, haré katak Vítima hamri’ik ho kondisaun tara-án’’ Esklaresimentu husi Komadante ne’e.
Euclides Belo reforsa tan katak hafoin Informadór ne’ebé konsidera hanesan sasin, hetan vítima tara-án, informadór refere ba fo hatene kedas nia la’en atu mai haré vítima no informadór ne’e mós fo hatene kedas ba família no viziño sira.
Banhira ekipa investidór halo investigasaun katak la deteta ema ruma mak halo asaun refere ba vítima :
‘’ Bainhira ekipa PNTL kompostu husi forensik no inklui ekipa saúde, to’o iha fatin, identifika katak vítima refere mate tara-án laós ema ruma mak Oho ka tara vítima maibé asaun ne’e mai husi vítima rasik’’ haktuir Euclides.
Motivu husi vítima tara-án, Superintendente Polísia ne’e deklara katak ,
‘’Tuir ekipa investigasaun, vítima halo asaun refere tamba kondisaun Sosiál ne’ebé vítima hasoru, no fatór balun ne’ebé mak sai kauza ba nia mak distrisaun bipolar, depresaun maiór, no parte investigasaun identifika katak la iha haha iha uma laran atu suporta ba nia moris hodi konsumu, ne infomasaun real ne’ebé PNTL investiga iha terrenu’.
Konabá identidade vítima nian, nia oríjem husi Munisípiu Ermera, Suku Riheu, Aldeia Vatubou no atualmente Vítima nia hela fatin iha Lagoan ida, Tasi-Tolu Munisípiu Dili.
Infomasaun seluk ne’ebé ekipa G-RTV.Com rekolha antes iha fatin akontesimentu katak, Matebian ne’e, iha tinan 2016 hamutuk hela no nia iha La’en maibé nia problema ho La’en entaun nia La’en husik tiha ba nia fen bo’ot iha Ermera durante tinan rua ona nune’e vítima mesak iha nia rezidénsia to’o hakotu-ís.
Jornalista : Arménio.
loading="lazy" />