G-RTV.com (Aileu): Konstrusaun ba Laboratorium Teste Covid-19 iha munisípiu Aileu atinji 85% ho nia durasaun konstrusaun durante fulan 3 ne’ebé kaer husi kompañia JOMI Construction, Unip. LDA.
‘’Konstrusaun ami hahu iha loron 11 fulan Janeiru tinan ne’e, to’o ohin loron atinji ona 85%, no ami garante nia kualidade molok ami antrega ba ministériu Saúde hanesan na’in ba uma ne’e’’. haktuir tékniku engeñaria Kompañia JOMI, Aliansa Vieira Florindo De Jesus Iha fatin konstrusaun, Óspitál Munisipál Aileu (23/06).
Feto Engeñaria ne’e, esplika liu tan, durante konstrusaun la’o, semanalmente hetan inspesaun husi Ajénsia Nasionál Dezenvolvimentu (ADN) no tékniku husi ministériu Saúde.
‘’Durante Konstrusaun no materiál hotu ne’ebé ami uja ba obra ne’e, sempre hetan inspesaun husi parte ADN no tékniku Husi Ministériu Saúde (MS), kada semána’’. Dehan Aliansa.
Iha prosessu konstrusaun, atraju no la determina tuir nia tempu kontratu tamba relasiona ho situasaun pandemia Covid-19.
‘’Ami rekoñese iha duni atraju oituan tamba ho situasaun Covid-19 ne’ebé afeta moos ba konstrusaun, nune’e ami husu ona ba obra na’in, no sira foo duni ami aumenta ba fulan ida hodi entrega xave, JOMI prontu no garantidu ba ida ne’e’’. espressa téknika ne’e.
Konstrusaun ne’ebé kaer husi Kompañia JOMI, ho medida 8×10 no orsamentu ba konstrusaun refere hamutuk USD. 62,128.32 husi MS.
Jornalista : Arménio.
loading="lazy" />