G-NEWS (DILI) – Lansamentu Avaliasaun ba Konsellu Polisiamentu Komunitáriu atu fahe esperiénsia kona-ba servisu ne’ebé durante ne’e KPK halo iha terenu hodi rezolve problema sira iha Aldeia Sucu no Munisípiu sira.
Tersa-Feira ne’e (15/11/2022) Halo Lansamentu Avaliasaun KPK iha Timor-Leste no Seminário kona-ba KPK sira fahe Esperiénsia iha Salaun João Paulo II Seroja Dili. Semináriu ne’e ho intensaun atu fahe esperiensia no hato’o dezafiu ruma kona-ba servsiu Konsellu Polisiamentu Komunitariu.
Komandante Operasional PNTL Superintendente Xefe Pedro Belo hateten, lansamentu avaliasaun ba KPK ne’e, atu halo mediasaun ba sira, no hatudu dalan ba KPK oinsá bele rezolve kazu krime ruma iha komunidade nia leet ou aréa ne’ebé sira hala’o kna’ar bá.
“Tuir Avaliasaun, KPK sira nia servsiu durante la’o ne’e di’ak tebes ba ita nia komunidade sira, ba lansamentu avaliasaun KPK loron ohin nian, oinsá atu hatudu dalan lolos ba sira, no halo sosializasaun kona-ba lei violensia domestika iha komunidade nia leet tanba ema barak seidauk komprende lolos kona-ba kazu sivil ho kazu krimi, ho kazu sira ne’e oinsá mak KPK bele rezolve no sé mak rezolve tanba ne’e ita halo mediasaun no hatudu dalan ba sira hanesan kazu krimi karik imi keisa mai iha parte polisia ka direitamente ba iha Ministériu Públiku hodi nune’e sira bele hetan justisa iha ne’ebá no kazu sivil hanesan kazu kona-ba Rai nian tenta involve sira husi diresaun terras propriedade para oinsá hamutuk hodi rezolve problema ne’e, bainhira ko’alia mak la iha solusaun ruma, mak sira hatudu dalan ba tribunal atu hetan lia loos iha ne’ebá”dehan nia
Xefe Operasional Hermilino Maria da Silva, husi Munisípiu Dili, Suco Dare, ne’ebé hanesan Partisipante hakle’an tan katak, semináriu ne’e atu halo evaluasaun servisu KPK nian, hahú iha tinan 2011 no mai fahe informasaun kona-ba susesu no dezafiu ne’ebé mak KPK hasoru iha terenu, inklui halo rekomendasaun ruma. Maibé KPK la servsiu mesak, sempre servisu hamutuk ho Konsellu do Suco no Polísia sira hodi simu informasaun no fahe informasaun atu ajuda Polísia sira halo prevensaun ba problema saidá de’it mak iha Suco laran, hanesan problema Joven, problema família inklui mós problema disputa Rai.
Ba Lansamentu Avaliasaun KPK iha Timor-Leste no Seminário kona-ba KPK sira Fahe Esperiénsia ne’e partisipa husi komandate Polisia Munisipiu-14 no KPK sira ne’ebé sei halo diskusaun no troka esperiénsia kona-ba problema sira ne’ebé durante husi Munisípiu ida ba Munisípiu seluk, no oinsá sira rezolve problema ruma iha aréa juridiku sira nian rasik.
Jornalista : Teotónio Alves Pinto
Editór Textu : Amito Qonusere Araújo
loading="lazy" />