G-NEWS (DILI) – Maiória sarani Katólika tomak, konhese ona Bispu hanesan mós Timor Leste. Bispu hanesan kna’ar ida ne’ebé importante iha irarkia no responsábilidade importante iha Igreza hamutuk ho nia sarani sira.
Bispu hanesan líderansa ida iha Diocese ida ka bain-bain bolu Bispu Diocese no hanesan mós parte ida iha Irarkia Igreza Katólika Romana nian.
Iha Igreza, pozisaun hanesan ho karater Vitalísiu (Bispu durante nia moris tomak), no nomeia hosi Santa Sé (The Holy See) iha Vatikanu, Roma.
Tanba ne’e, iha pájina ida ne’e, G-News fó sai kna’ar importante ho nia kritéria sira atu sai Bispu.
Tarefa prinsípal sira hosi Bispu mak hanesan:
– Espalla evangelho ka informasaun diak sira
– Sai bibi-atan Povu ba Maromak
– Misaun Klerus, katak Bispu iha tarefa importane tolu hanesan profeta (profesor), sacerdote (líder misa nian) no rei (líder povu nian).
Entertantu, Bispu sira konsiste ho tipu rua kuandu hala’o ninia dever loron-loron nian, hanesan tuir mai ne’e;
– Bispu Diosezanu: Bispu ida ne’ebé hala’o nia dever iha Diocese ida.
– Bispu Tituler: Bispu ne’ebé hala’o nia dever iha Diocese ida maibé servi nesesidade prinsípal, hanesan militar sira.
Bispu, laos pesoa Katólika sira bele sai Bispu, tanba iha ninia kritéria sira ne’ebé todan oituan.
Ida ne’e mak kritéria sira bainhira sai Bispu;
– Iha vída espiritual ne’ebé profunda tebes.
– Iha aran diak iha sosiedade nia le’et
– Ninia tinan mínimu 35
– Maijumenus tinan-5 hetan ordenadu nu’udar Padre Katólika
– Iha títilu Doutoradu ka maijumenus espesialista Eskritura (legá iha Biblia), Teolójia no Direitu Kanôniku.
Informasaun ne’e, G-News rekolla hosi Mídia Nasionál Kompas.
Editór Testu : Amito Qonusere Araújo
loading="lazy" />