G-RTV NEWS : Klibur Tane-As Obra Maun Bo’ot Xanana Gusmão ( KTAOX) iha konferénsia Imprensa afirma katak RDTL hahú nia krize polítika iha 2017 bainhira ‘’Tomada de Posse’’ Prezidente Franscisco Guterres ‘’ Lú-Olo’’.
‘’ Situasaun Ímpasse Polítika ne’ebé mak agora la’o dadaun iha Timor Leste, hahu iha 2017, iha momentu ‘’tomada de Posse PR Lú-Olo’’, tamba PR la garante Estabilidade Polítika nasaun ni’an tuir KRDTL Arti. 74, ne’ebé rezulta mákina Estadu Paradu totál’’. Porta-vóz KTAOX Amaro da Costa ‘’Susar’’, haktuir iha konferénsia imprensa ne’ebé hala’o Iha Sede KATAOX, Suku Motaél, Munisípiu Dili ( 23/03/2021).
Iha konferénsia Imprensa ne’e mós, KTAOX afirma katak VIII Guvernu La iha kapasidade atu solusiona COVID-19 iha TL :
‘’ VIII Guvernu La iha Kapasidade atu solusiona problema COVID-19 iha Timor Leste ne’ebé rezulta Povu Hamlaha, eskola sira paradu, atendimentu Saúde totálmente paradu ‘’ Porta-Voz KTAOX afirma.
KTAOX mós kontra deklarasaun Xefe Bankada FRETILIN iha PN Francisco Branco konabá Líder Nasionál Xanana Gusmão kontra regra Sanitária hodi konsidera COVID-19 ne’e Polítika de’it.
‘’’Ami Kontra deklarasaun ne’ebé Xefe Bankada FRETILIN hato’o ho razaun katak Maun Bo’ot nia kontribuisaun ba rai ida ne’e la iha rezerva, haré ba Pandemia COVID-19, Maun Bo’ot kontribui hodi Instala Sala Izolmentu Iha Tasi-Tolu no sempre koalia ba nia Povu atu tui protokolu prevensaun nian’’.
Ikus liu, Por-Voz hanesan mós nu’udár Konselheiro Máximu KTAOX deklara katak husu ba ema hotu, Timor-oan hotu, atu hamutuk ho Maun Bo’ot Xanana hodi hakmatek nafatin atu kontribui ba Paz no Estabilidade.
Jornalista : Julio Paixão
Editór :. Arménio.
loading="lazy" />