La Rezistu Kazu Iha ELPR 2022, PNTL Lautém Apresia Komunidade

Jornalísta : Arménio //

G-RTV.Com (Dili) : Iha períodu eleisaun Prezidensiál (ELPR) 2022 ne’ebé hala’o ona no remata ho segundu volta iha loron 19 Abríl liu bá, komandu Polísia Nasionál Timor Leste (PNTL) Lautém la hetan kazu ruma.

‘’Hafoin orgaun eleitorál deside hodi haheu kampaña loron 2 fulan abríl 2022 to’o eleisaun segundu volta remata, la iha kazu singnifikante ruma, iha de’it mak rumoris ka hoax, maibé la afeta bá seguransa públiku iha munisípiu Latém,’’ Deklara Komadante PNTL munisípiu Lautém, Superintendente Polísia, Fernandes, kuartél munisipál, Sexta-Feira ohin, 22/04/2022.

Nune’e, PNTL Lautém hato’o apresiasaun bá komunidade Lautém tomak tambá hala’o eleisaun ho di’ák la ho violénsia.

‘’Komadante PNTL munisípiu Lautém hato’o apresiasaun ba komunidade Lautém tomak, ne’ebé hala’o eleisaun ho di’ák la ho violénsia, kolaborasaun mós ho parte veteranu, juventude, arte marsiais ne’ebé kontribui ba seguransa públiku Lautém ho di’ák,’’ Espressa Komadante ne’e.

Entretantu, membru efetivu ne’ebé hala’o seguransa durante períodu ELPR hamutuk 147 no aumenta mós ho membru na’in 30 ne’ebé kolokadu husi komandu jerál mai munisípiu Lautém.

(REMATA).