G-NEWS (DILI) – Tribunál Distritál Díli (TDD) halo julgamentu ba krime Ofensas ba Integridade Fízika Simples ho forma violénsia doméstika ne’ebé komete husi arguidu JE nu’udar laen.
Akuzasaun husi Ministériu Públiku ne’ebé lei husi Tribunál katak, iha indisius sufisiente lezada Jacinta Soares Sarmento arguidu nu’ udar feen-laen uma ida iha Suku Fatuquero, Aldeia Palimanu Railaku, Emera no sira iha oan nain ne’ en (6).
Iha loron 11, fulan Setembru, tinan 2022 por volta 00:00 otl, lezada ba buka arguidu iha nia alin nia uma, maibé tó iha nia alin nia uma arguidu haruka lezada fila uma, la kleur arguidu mós tuir lezada ba uma
Bainhira to’o iha uma arguidu la ko’alia buat ida lori fatuk tuda lezada dala rua kona iha liman parte lós.
Depos arguidu foti tan dima no katana duni lezada hodi riska rai dehan katak ” ó fila ma uma ne’e Ha’u sei oho tiha o”
Konsekuensia husi arguidu nia hahalok lezada senti trauma no hetan kanek iha liman parte los no tenke ba halo tratamentu iha sentru saúde Gleno.
Arguidu prátika hahalok sira ho forma livre, deliberada ho konsiensia rasik uza fatuk tuda lezada to’o liman parte lós hetan kanek, hatene hela katak hahalok sira ne’e fó sofrimentu no moras ba lezada nia isin lolon, maibé arguidu hakarak halo nafatin hanesan saida mak deskreve iha leten.
Ho hahalok sira ne’e, arguidu JE nu’udar autor material ho forma konsumada ba pratika krime ofensas ba Integridade Fízika simples tuir artigu 145 husi kódigu penál konjugadu ho artigu 2 númeru 1, 2, 3, alima a), 35″ alina, b, husi Lei 7/2010 de 7 de Jullu.
Hatan ba akuzasaun ne’e arguidu JE deklara, iha altura ne’ebá nia la tuda no lori dima hodi duni lezada.
“Ha’u luta no la lori dima. Ha’u lori mak katana hodi duni lezada tanba lanu,”konfesa arguidu ba tribunál iha sala julgamntu TDD.
Enkuantu lezada Jacinta Soares Sarmento katak, altura ne’e arguidu tuda nia, mak nia ses husi fatuk kona uluk odamatan fatuk haksoit kona iha liman.
Nia dehan, arguidu mós lori tan dima ho katana halo riska ba rai hodi dehan oho “ha’u”.
“Ha’u kaer toman nia telefone hobfeto seluk ha’u hase, mak nia haruka ha’u fila, lakleur nia to’o mai tuda, ha’u konsege halai, lori katana ho diman duni tuir hodi dehan asu ne’e ha’u teman o, ha’u oho o,”dehan lezada.
Lezada deklara altura ne’e nia halai ba toba tiha iha arguidu nia alin, sira dader ba halo tratamentu saúde fila ba liu nia inan aman sira.
Rona tiha deklasaun husi lezada no arguidu tribunál husu ba Ministériu Públiku sume5e ba alegasaun.
Liu husi alegasaun Prokuradór Simão Brito da Seixa, husi tribunál aplika pena suspensaun fulan nen (6), suspende ba tinan ida.
MP husu pena ne’e, tanba arguidu hahalok ne’e prense elementu Krime Ofensas ba Integridade Fízika Simples; Katak, nia hahalok ne’e halo lezada sobre moras iha liman no trauma.
Kontra alegasaun MP, edefeza husi arguidu entrega tribunál atu hola medida koasaun ba arguidu.
Aúdensia Julgamentu ne’e prezide husi Juiza Ana Paula Fonseca, MP reprezenta husi Prokuradór Simão Brito da Seixa arguidu hetan asisténsia legál husi Defensór Públiku na’in ida.
Jornalista : Ekipa G-News
Editór Testu : Amito Qonusere Araújo
loading="lazy" />