G-RTV NEWS : Bainhira VIII Guvernu deside hala’o serka Sanitáriu no konfinamentu Obrigatóriu ba Munisípiu Dili, durante Semana tolu hahu loron 9 Fulan Marsu to’o loron 2 Fulan Abríl Tinan 2021, provoka estudante ne’ebé hela iha Uma-Aluga ( Kos), sente la iha hahan.
Deputada Maria Anabela Sávio haktuir ‘’ ’Lautém-oan ajuda malu tuir kbi’it ho naran grupu Lautém-oan Tane Malu, laós hau mesak maibe hamutuk ho kolega Deputadu Somocho, Deputada Sidália no Lautém-oan sira ne’ebé iha kbi’it nato’on halibur hahan balun atu fahe ba alin no oan estudante sira ne’ebé hela Iha Kos durante serka sanitária no konfinamentu Obrigatóriu iha Munisípiu Dili’’. Haktuir Deputada husi Munisípiu Lautem-Oan iha nia rezidénsia, Bidau, Munisípiu Dili ( 20/03/2021).
Reprezentante Povu Iha PN, akresenta tan katak ajuda umanitária ida ne’e ba de’it Munisípiu Lautém-oan sira : ‘’ Ajuda Umanitária ida ne’e ba de’it Lautém-oan sira, maibé horseik ( 19/03) ha’u akompanha mós katak Munisípiu Sira seluk, balun mai iha ne’e hato’o duni sira nia problema ba ekipa, no ho laran luak ekipa ajuda duni sira’’ dehan deputada husi bankada FRETILIN.
Iha Fatin hanesan, Tuir Inisiadór Grupu ‘’Lautem-Oan Tane Malu’’ hateten katak : ‘’Agora dadauk ita nia Governu luta hela oinsa mak bele ultra pasa “Surto” nee, tanba nee nia impaktu hotu mai ita nia aktividade Sira nune’e ‘’Grupu Lautem-Oan Tane Malu’’ ho objetivu mak oinsa ita azuda ita nia Maluk Estudante sira hela iha kost, tanba Serka Sanitaria ne’ebé mak Guverno atraves CIGC hanesan Supreza mai ita tanba ita nia Prepasaun ba Nesesidade bazika uma laran seidauk iha, aperta ona ita, estudante sira ne’ebé mak hela iha Dili, atu fila ba nia Munisípu labele tanba dalan sira Blokeia hotu’’ Novis Lay-Risa Moto Vieira ba G-RTV NEWS.
Fontes ne’e hatutan tan katak haré ba situasaun sira ne’e, komunidade Lautém-Oan sira hela iha kapitál Dili, liu-liu Funsiónariu sira, Deputadu sira, Ex Deputadu sira, ema sira ne’ebé mak servisu iha Kompañia, servisu iha Instuisaun Estadu no Ajénsia sira organiza malu hodi apoiu Solidariedade ba Estudante Lautem-Oan sira ne’ebé hela iha Dili liu-liu sira ne’ebé hela iha Kos.
Tuir Observasaun G-RTV NEWS iha terrenu observa katak ajuda umanitáriu ida ne’e distribui ona desde horseik ( 19/03) no sasan hirak ne’e mak hanesan Fós, Mina Balun, Supremi. Maneira distribuisaun, ekipa Grupu ‘’ Lautém-oan Tane Malu ‘’ sei transporta to’o iha kada Kos ne’ebé rezistradu atu evita halibur malu Ema barak tuir regra Serka Sanitáriu no Konfinamentu Obrigatóriu.
Jornalista : Eckoj Mressy APCD
Editór : Arménio
loading="lazy" />