Jornalísta : Arménio //
G-RTV.com (Ermera) : Liman Bada’en (Obra) husi prizionériu prizaun Gleno ne’ebé harii postu polisiál iha kapitál Ermera, to’o oras ne’e autoriedade PNTL la konsidera hodi abandona.
‘’Postu polísia ne’e harii husi prizionériu sira desde tinan 2017/2018 maibé to’o oras ne’e abandonadu, ha’u fan sasan iha ne’e kleur maibé la hare ema iha laran to’o at, dalaruma ema ho moras mental mak toba iha laran’’ Dehan Palmira Fernandes hanesan vendedora iha area postu polísia ne’ebé abondonadu iha Gleno (Ermera), Sábadu, 02/07/2022.
Konabá fatin lixu, vendedór sira iha merkadu Gleno sempre bá fakar iha area postu polísia ne’ebé abondonadu.
‘’Hotu-hotu iha merkadu laran mai lekar lixu iha ne’e, tuir lolos estrada públiku ne’e tenke fakar dook, ami sempre koalia maibé ema hotu la konsidera, dalaruma autoriedade mai raut fali,’’ Deklara Palmira.
Tuir observasaun direta G-RTV.com iha terrenu hare katak postu polísia refere ho medida 5X5 ne’ebé halo husi tizolu inklui kompleta ho sanitáriu iha laran maibé to’o oras ne’e abondona no hetan ona estragus iha parte vidru, odamatan inklui fasilidade sira seluk.
(REMATA)
loading="lazy" />